Digitalbild Rudi Witzke

Ut Füür un Wader
glöhen Steen, Tiet un een Plaan
wöör born dat Paradies.

Utsnitt Michelangelo

Un all weit wi, wo
wi verjagt und verlorn
den Brauder, de Leev.

De Ierd schenkt Planten,
Nohren för alle un doch
regeert de Hunger.

Keen Wader, keen Broot
an jümmer anner Steden
up uns rieke Eerd.

Wi kaamt mit Gewalt.
Nix liernt vun Kains Untaat.
Öftins brennt de Welt.

Bräuder wörgen sik,
Millionen halt de Doot,
Fruuns un Kinner ok.

Vörstahn Fotos: historische Upnahmen

Stahn vör Scheep in Ies
un Wader, wo Fru un Kind
versapen in’e Floot.

Lommel, Freedhoff von mien Brauder Leutnant Hans Witzke

Nie wedder, seggt Kain,
Tranen, Verspreken all Johr
höört wi an’n Volkstruurdag —

Hüüt is Volkstruurdag!

Un schon wedder piert
Hunger, Dööst liek as tovör.
De Kains gaht sik an de Görgel.

Dat groot mahnen Krüüz
swinnt in Wulken un Nevel.
Kain hett frie Hand.

Ik will Daag
ahn tovend Kain
in disse glöhen Welt —

…..un keen Truurdaag!

Rudi Witzke