De lütt Virginia ut New York wull dat geern ganz genau weten.
Dorüm schreev se an dat groot New Yorker Blatt, de "Sun":
"Ik bün acht Johr olt. En poor vun mien Fründinnen
seggt: Dat gifft keen Christkind. Vadder seggt, wat in de "Sun"
steiht, dat is jümmers wohr. Dorüm fraag ik Se: Gifft dat
en Christkind?"
De Saak weer den Chefredakteur Francis Church so wichtig, he hett
sülms Antwort geven up de Titelsiet vun sien Blatt:
Virginia,
Dien lütten Frünnen hebbt nicht recht. Se glöövt
blots, wat se seht, Se glöövt, dat dat nix geven kann,
wat se mit ehren lütten Geist nich faten köönt.
All Minschengeist is lütt; wat he nu en utwussen Minschen hören
deit orrer en Kind. In't Weltall verleert he sik as so'n lialütt
Insekt. So'n Miegepats-Verstand reckt nich ut, de ganze Wohrheit
to faten un to begriepen.
Ja, Virginia, dat gifft en Christkind. Dat gifft dat Christkind
jüst so, as dat Leev un Groothardigkeit un Truu geven deit.
Un blots, wiel dat dit allens geven deit, kann uns' Leven schöön
wesen un froh.
Wo düüster weer't up de Welt, wenn't keen Christkind geven
dee! Denn geev dat ok keen Virginia, kenen Gloven, keen Poesie
gor nix vun dat, wat een bruken deit, üm dat Leven dörchtostahn.
Vun dat Schöne, dat du sehen kannst, bleev blots en lütt
Flackern. Man dat Licht vun de Kinnertiet, dat de Welt ümstrahlen
deit, dat müß utgahn.
De Welt strahlt, Digitalbild R.Witzke
Dat gifft en Christkind, anners kunnst' ok de Märken nich
glöven. Wiß, Du kunnst Dienen Vadder beden, he schall
an'n Hilligen Avend Lüüd utschicken, dat se dat Christkind
fangt. Un keeneen kreeg dat Christkind to Gesicht wat wörr
dat bewiesen?
Keen Minsch süht dat eenfach so. Dat bewiest gor nix. De wichtigsten
Saken blieven meist unsichtbor. De Elfen, as Bispill, wenn se up
de Maandwischen danzt. Man geven deit dat se.
All
de Wunner to denken orrer gor to sehn , dat kann sülms de Klöögst
vun de Welt nich.
Bild: The
Chapel of the Mother of God (Byzantine-Ruthenian Chapel)
Wat Du ok sehen deist, Du sühst nie allens. Du kannst Dien
Kaleidoskop tweibreken un na de schönen bunten Figuren söken.
Man finnen deist Du blots 'n poor bunte Schörren, wieder nix.
Worüm? Dat gifft 'n Schleier, de de wohre Welt inhüllt,
'n Schleier, den nich mal alle Gewalt up de Welt tweirieten kann,
blots Gloven un Poesie un Leev köönt dat. Un denn
warrt dat Schöne un dat Wunnersame dor achter to sehen sien.
Muttergottes von Kasan, Historisch, Enkel
Ravil Weimanns Schutzpatronin
"Is dat
ok wohr?" kannst du fragen.
Virginia, nix up de Welt is wohrer un nix
hett mehr Bestand! Dat Christkind leevt, un dat warrt jümmers leven. Noch
in teihn mal teihndusend Johr warrt dat dor sien, üm Kinner as Du
en büst un elkeen apen Hart mit Freud to füllen.
Frohe
Wiehnachten, Virginia.
Dien Francis P. Church
Icon
of the Mother of God (Byzantine-Ruthenian Chapel)