Dei affschlaoten Wienbarg ligg weust. Bild-Idee: Ludgerd Lüske, Microsoft. Klick = Vergröttern

Den Sönndag Reminiszere neumt man nao den Anfang van ein latinschke Antiphon: "Reminiscere miserationum tuarum, Domine, et misericordiarum tuarum quae e saeculo sunt." (Ps 25, 6)
"Denk, Herr, an diene Barmhartigkeit un an diene Gautheit, dei et all äwig giff."

An den Sönndag Reminiszere hört wi dei Bildgeschichte van dei leipen Wien-Görners, dei den Säöhn van den Eigner doodschlögen. Wi denkt doran, wo minne dei Menschken up Gott achtet un siene anleggte Welt respekteiert. At Jesus up dei Welt köm, verhüllen sick dei Menschken dumm. Sei benöhmen sick at Gott siene Feinde. Faoken willt wi Gott in siene eigen Welt kiene Stäe gäben. Aower dör den Globen, dei us haopen lätt, dat Gott us aohne ein Föddern Leiwde giff, finnt wi einen neien Anfang.

Vaoder in'n Häwen, uck wenn du dör Christus so naohe bi us büs, laotet wi di faoken allennig staohn. Use Alldag fang us mit use Sorgen. So vergätet wi, dat du dor büs un us helpen dais bi dat Finnen van neie Utsichten un Wäge. Wi roopet di tau: "Du wohre Gott, use Vaoder, wi danket di, dat du us alltied wedder uphelpen dais."

Reminiscere miserationum tuarum, Domine,
et misericordiae tuae, quae a saeculo sunt:
ne unquam dominentur nobis inimici nostri:
libera nos Deus Israel ex omnibus angustiis nostris.

Denk, Herr, an diene Barmhartigkeit
un an diene Gautheit, dei et all äwig giff.
Laot use Feinde nich uptrumpfen!
Maok us frei, Gott van Israel, van use grote Not:
(Ps 25, 6)

Ad te, Domine, levavi animam meam:
Deus meus, in te confido,
non erubescam. (Ps. 1)

Nao di hoch, Herr, häwe ick miene Säle.
Mien Gott, ick verlaot mi up di.
Laot mi nich verkaomen.

Antiphon: Reminiscere miserationum tuarum, Domine,
et misericordiarum tuarum quae e saeculo sunt
Bild-Daoten: Reminiscere miserationum tuarum domine et | Cantus-Datenbank
Luster hier: Youtube