Hier is dat Kind al ankamenEn Kind kümmt up de Welt

vun Elene Scholz


So lang, as ik denken kann, so lang will ik al Hebamme warrn. Nu sullen wi vun de School ut en Praktikum maken, un ik wull dat to un to geern bi ene Hebamme maken. Dat Söken güng also los. Man keeneen wull mi hebben, keen harr Platz för mi. Dor heff ik mi woanners beworben un süh, in Berlin, dor wullen se mi nehmen. Nu müß ik aver hier in't Land an dat Kultusministerium scElene an de Döör, 'neem dat eernst warrthrieven, wat de mi Verlööf geven. Dat hett klappt, ik bün denn na Berlin föhrt. To'n Glück leevt dor mien Vadder, un ik kunn bi em wahnen.

So'n beten bang weer mi ja doch, as dat denn to'n eersten Mal los güng. Ik müß glieks richtig mit ran.

Ultraschallbild: Dat Kind hett Köpfchen!

Klock teihn hebbt de Hebamme Lydia un ik uns drapen, ¼ Stünn later stünnen wi vör en schwanger Frau, de to Vörsorge-Ünnersöken kamen weer. Ik dörv ehr glieks den Blootdruck meten un den Ümfang vun ehren Buuk. De Hebamme hett de warden Mudder an en CTG-Gerät anslaten un Herztöne vun't Baby kontrolleert un dat Doon vun de Gebärmutter prüft. Dor klingel miteens datUltraschall: Allens okay! Notfall-Telefon. Een vun Lydias Fruun weer graad in't Krankenhuus inlevert. Se harr Wehen kregen un weer dor nu an't Dauer-CTG anslaten.

Gau maken wi uns up'n Weg in't Krankenhuus, trocken dat Krankenhuus-Tüüch an un — af güng dat in den Kreißsaal. Kort tovör harr de Fru en PDA (Afkörten för "Periduralanästhesie") kregen. Dat is ene Rückenmarksnarkose, de is för Fruun, de Bang vör grote Smarten hebbt. De Fruchtblaas weer ok al lang platzt. Die Wehen weern al düchtig in Gang un denn güng dat al mit de Presswehen los.

Ok düt Kind hett Köpfchen!Ik kreeg enen groten Schreck, denn as de lütt Kopp un de Schullern al buten weern, dor leep dat Kind blau an. De Navelschnur harr sik eenmal üm den Hals wickelt! Lydia maak en dreihen Bewegen mit de Hand — un de Schnur weer nich mehr üm den Hals. Ik kunn gor nich so gau sehen, wo se dat maakt hett, man dat weer professionell — un denn güng de Geburt wieder un dat Kind flutsch ganz, ganz fix rut.

Bi Papa is dat prima

Bi Mama is dat ok goodDe lütte Lena weer dor. Se weer 3650 kg swoor, 53 cm lang, un de Ümfang vun'n Kopp weer 35 cm. Wat hett sik de Mudder freut, un de Vadder ok. Ene richtig glückliche Familie!

Lydia hett Mudder un Kind na de Säuglingsstation överwiest un ik dörv trüch na mienen Vadder föhren.

Dit weer för mi en würklich upregen, spannenden Dag, de vull vun interessante Ereignisse weer. Ik warr den Dag bestimmt nie mehr vergeten.


Biller: © Elene Scholz, Anke Nissen
6.7.2008


na baven