Ostern is Höpen,
is nieges Leven,
heit anners leven
un ok vergeven

Ostern heit Singen
vun de Morgensünn;
dat Fest meint Höpen
un deipe Wonn.

Ostern — vun Schuld hett
de Herr uns befreet.
Hei hüng doot an't Krüüz
un leed hett em't nich daan.

Ostern heit Freden,
dat Hart ward so licht.
heit Deilen vun Leiven,
de to all henriekt.

Plattdüütsch vun Rudi Witzke

Vun'n Doom Truurglocken klingen,
vun'e Grund een Juuchheien schallt herup.
To Rauh se dor den Doden singen,
de Lark jubelt: Waak up!
Mit Ierd se em still taudecken,
dat Gröön ut alle Gräver breekt,
de Strööm hell dörch dat Land sik trecken,
dat Holt, iernst, as in Drömen spreekt,
un bi de Kläng, dat Juchzen, Truurn,
so wiet in't Land een kieken kann:

Dat is een deepes Vörjohrsschuurn
as an den Dag vun't Uperstahn.

Plattdüütsch vun Rudi Witzke