Stell du di uns to Sied

vun Cord Denker


Du schaffst de Welt un ok de Tied,
o Gott, stell du di uns to Sied!
Wi sünd as Gras un schwanken Reet,
söökt fasten Grund för unse Fööt.

Nu kümmt een Johr un deent sick an;
wat man dor all'ns ut moken kann...
Man ok de Schrecken ööwt sien Macht
un wiest de Welt sien düüster Tracht.

Man wi goht wieder, vull Vertruu'n
un wüllt op Recht un Leevde buu'n:
Loot uns dien Licht ok dütt Johr sehn
un loot ok dütt Johr Rosen blöhn!

Mook du de Harten fri vun Hass,
dat kääm den Freden good topass.
Giff uns den Moot, de singen ööwt
un mit dien Woort op Tokunft tööwt.


Paris, 7. Januar 2015

Loot doch den Freden Wiespohl sien,
wies uns dien Licht sien helle Schien,
dat, wer dor twiefelt, faster steiht:
De düüster Welt füll sick mit Freid!

Is dat dien Will, so komm uns to
un bring dat bange Hart to Roh:
Dat de Eer singt, de Heben lacht,
dat steiht alleen in diene Macht.

Melodie: O Jesu Christe, wahres Licht (EG 72)


Bild 1: Rudi Witzke
Bild 2: JeSuisGodefroyTroude/Wikimedia Commons
Bild 3: Ludgerd Lüske
25.12.2014


na baven