Passion 2024 vun Marlou Lessing Je höger dat Koorn wasst, je nehger kümmt de Aarn. Dat Koorn mutt daal, dat dat all Minschen togood kümmt. Dorför woor dat utseit. Dat Koorn weet dat noch nich dat stiggt hooch na de Sünn sien Ohr warrt riek un swaar un wenn dat jüst op de Hööchtpunkt is dat is de Tied, wenn de Meihdöscher losfohrt...
Johannes 3, Vers 14-15 Anners as dat Saatkoorn hett Jesus dat wüsst. Jesu Roop weer grötter un grötter worrn he weer as en ümjubelte Superstar in Jerusalem introcken hüüt, an Palmsünndag, denkt wi doran. Dor weer de Meihdöscher al op den Weg. Un denn güng sien Weg bloots noch höger rop: op den Barg, den se Golgatha nöömt de Schädelsteed un dor noch höger, an dat Krüüz. Un dat weer de Dood. "Hinabgestiegen in das Reich des Todes." De Weg na baven föhr hendaal. Oder nich? De Ordnungen vun de Welt gellt nich mehr, wenn Jesus an't Krüüz hangt. Hooch is nich hooch, ring is nich ring, allens wesselt de Sieden un de Richten mehrmalen. Bloots Jesus blifft de Fixpunkt. Wokeen op em kiekt, för den höört dat Küseln in'n Kopp op, un allens warrt wedder klaar. 24.3.2024
|