Passion 2013
Sönndag Palmarum

Intrecken in Herrlichkeit

12 An'n annern Dag markden väle van dei, dei tau dat Passafest dor wörn, dat Jesus unnerwägens was nao Jerusalem.
13 Don nöhmen sei Palmtäuger in dei Hand un trücken üm in taumeute. "Hosianna!" röpen dei. "Lowet wäs Gott! Prieset wäs dei, dei dor kummp in'n Naomen van den Herrn! Heil för den Käönig van Israel.
14 Jesus harr sick einen jungen Äsel utlennt un reet dorup in dei Stadt, so as et all in dei Hillige Schrift binnen steiht:
15 "Wäs nich bange, Dochter van Zion! Dien Käönig kummp nao di hen! Hei ritt up ein Äselfaohlen."
16 Man dat verstünnen siene Jüngers don noch nich. Eiers naodem Jesus in Gott siene Herrlichkeit trüggekaomen was, besünnen dei sick, dat man üm jüst so upnaohmen harr, as dat in dei Schrift vörutseggt wörd.
17 Dei Lüe in den Köppel, dei dorbie wörn, as Jesus den Lazarus ut dat Graff trüggeröp un van den Dood upwaoken löt, harrn dat äöwerall vertellt.
18 Dorümme trücken üm nu so väle Lüe in taumeute. Dei harrn aale wat van dei Wunners hört.
19 Don säen dei Pharisäers tau'nanner: "Gi seiht nu, dat wi so nich wiederkaomet. Aale Welt löpp achter üm an."

Dei Tied is dor.

20 Unner dei Festbeseukers, dei tau'n Anbäen van Gott nao Jerusalem kömen, wörn uck'n poor Griechen.
21 Dei güngen nao Philippus hen, dei ut Betsaida in Galiläa köm, un säen: "Herr, wi wullen gerne Jesus seihn!"
22 Phillipus schnackede mit Andreas doräöwer, un beide güngen nao Jesus hen un vertellden üm dat.
23 Jesus säe: "Dei Tied is dor, dat man dei Herrlichkeit van den Menschkensäöhn seihn kann.
24 Jao, ick segge jau: Wenn dat Weitenkörn nich in dei Eern kummp un starvet, bliff et alleine. Wenn et aower starven deit, werd dorut väle neie Körner wassen.

Johannes 12,12-24


Montage: Ludgerd Lüske. Klick up tau'n Vergröttern!


Südollnborger Platt: Ludgerd Lüske

Montierte Biller:
Weten
Wetenkörner
Intog in Jerusalem
Relief
Glasfinster
24.3.2013


na baven