Gedichten to Aarndank


Oorndank

In't Fröhjohr warrt dat Feld bestellt,
an't Planten geiht't, an't Seihen,
nu kann't den ganzen Sommer lang
eerst wassen un gedeihen.

De Sünnschien, den de Planten bruukt,
de kümmt dorto vun'n Heven,
dormit se nich verdösten doot
gifft af un an mal Regen.

Denn kümmt de Mai mit siene Pracht
un allens steiht in Blööd.
De Immen söken Dag för Dag
den Honig — rein un sööt.

Un geiht dat wieder denn in't Johr
an'n Halm warrt riep dat Koorn,
Ketüffel, Wötteln, Kruut un Kohl,
de wasst in unsen Goorn.

Denn kümmt se ran, de Oorntiet
gau füllt sik Schüün un Böön,
so kann een ok de Wintertiet
ahn Sorg' rankamen sehn.

Dat hett uns' Schöpfer goot bedacht,
ahn em geev't hier keen Leven,
drüm schickt wi hüüt un alle Daag
den Dank dorför to'n Heven.

Liane Breiholz

Herbstlied Harvstleed

Der Frühling hat es angefangen,
Der Sommer hat‘s vollbracht.
Seht, wie mit seinen roten Wangen
So mancher Apfel lacht!

Es kommt der Herbst mit reicher Gabe,
Er teilt sie fröhlich aus,
Und geht dann, wie am Bettelstabe
Ein armer Mann, nach Haus.

Voll sind die Speicher nun und Gnaden,
Dass nichts uns mehr gebricht.
Wir wollen ihn zu Gaste laden,
Er aber will es nicht.

Er will uns ohne Dank erfreuen,
Kommt immer wieder her:
Laßt uns das Gute drum erneuen,
Dann sind wir gut wie er.

De Lent dä dat anpacken,
vullendt hett't Sommer dann.
Kiek eins, mit rode Backen
lacht di de Appeln an!

De Harvst kümmt, riek an Gaven,
deelt ut mit fröhlich Hann'n
un sliekert, warrt dat Avend,
na Huus as Bedelmann.

Uns Schüün un Hüüs vull Gnaden —
in all uns' Överfloot
wulln wi em geern inladen —
he seggt: Dat deit nich noot.

He will keen Dank för all de Freid,
he bringt ehr alle Johrn.
Denn laat uns doon so, as he deit,
un so dat Gode wohrn!

Heinr. Hoffmann vun Fallersleben
Platt: Marlou Lessing

Kloppt de Haarsttied bi di an
de eerst Blööm'n sünd verbleut
faangt dat wäär to wassen an
dat Ooch sükk bannich freut

Gefööl'n lopen dör di dör
du weets nich wat di övergeit
un Dank stiggt op, de den geböört,
de all dat Gode deit.

Giff, Gott, dat ok düt wille Joahr
en freedvull Uutklang nimmt!
Uns Harten för dien Riek bewohr,
för dat du uns bestimmt.

Ewald Eden/Marlou Lessing


4.10.2020


na baven