Een
ganz gewöhnliche Dag
vun Inge Nissen Wenn dat buten, so richtig gries de Himmel is, sien Slüsen upmaakt hett un ok noch so een richtig stiefen Wind weiht, denn kannst di freun, dat du een scheun Tohuus hest. As Huusfruu kümmst denn so richtig in Gang. Ierst maal mit denn Huulbessen de Teppiche to Lief. Dann mit denn Feudel de Ecken utwischt un ton Schluss dann mit denn Stoffweddel und dat Stoffdook all dien Nippes und Bilder fein abstöövt. Wat wannern dor nich all för Gedanken dörch dien Kopp! An so ganz veel Nippes hängen scheune Erinnerungen an schöne Urlaubsdaag oder de Freud an Gegenstänn von Mutter, Grootmudder oder sogar Uurgrootmudder.
Denn kümmst di so richtig riek för und willst op kenen
Fall mit een von de high society" oder denn Jet-Set"
tuschen. De sind doch allemaal ünnerwegs un hebbt ehr Sorgen,
wat se to welk Event, as dat so schön heten deit,
antrecken salln. All solk
Sorgen hebbt wi nich, und du kannst di beruhigt mit en goode Tass
Kaffe in dien Sessel setten und kannst di över dien lüttes
Riek freu'n. Ok wenn dat Geld nich rieklich is, du kriggst ja man
een lütte Rent, awer dat langt, un een tofreden Minsch hett jümmer
naug! Ut dat Book "Heitere Alltagsgeschichten"
vun Inge Nissen.
Dat Book gifft dat bi: Buchhandlung Sandra Malina, Bismarckstr. 8 /Hof, 24943 Flensburg, Tel. 0461-3154614. Dat kost 7,50 € plus Porto. 7.6.2009 |