Leed to dat Luther-Johr

Text: Cord Denker
Melodie: Ein feste Burg (EG 362)


 

Un wedder klingt uns dat in't Ohr:
De Anschlag vun de Thesen.
Dat weer vör nu fiefhunnert Johr,
dat Christenvolk to lösen,
vun Fesseln un Bann,
ut Klauen un Hann'n:
De Macht, de regeer,
bröch Kark un Welt Beschweer:
dor gegen müss he strieden.

De Welt bruukt Wohrheit un dat Recht,
an's geiht dat Lewen ünner.
Een Luther ist't, de dornoh söcht,
den Padd för Gott sien Kinner.
Sien Doon un sien Wark
för Minsch, Welt un Kark:
He bringt dat tostann,
(wat egens Gott bloots kann)
dat sick de Tieden wannelt.


"Bloots de Schrift": Visionäär Luther, maalt vun Cranach

Nu, Martin, stigg vun dien' Podest
un misch di mang uns Minschen.
Wi fiert mit di dat Luther-Fest
un wüllt di Tokunft wünschen.
Een Musical hier,
nix ward uns to düür.
Een Vördrag, een Book,
de Welt ward luther-klook
un kümmt so recht in't Schwögen.


12.10.2017


na baven