Levenssaft vun Thomas Baltrock. Plattdüütsch vun Anke Nissen Dat Bild köönt Se dör
Anklicken vergröttern
|
|
|
|
Wiehnachten, dat findt statt... Wiehnachten, dat findt statt, ok wenn een överhaupt nich in Wiehnachtsstimmung is, ok wenn een de rechte Sinn vun dit Fest ut de Seel gahn is. Wat nu? Wenn dor noch wat to retten is un dat noch wat to retten is,
jüst dat höört ja to de Wiehnachtsbottschaft ,
denn schull een den Advent as Tiet to'n Vörbereiten nütten:
24 Daag to'n Nadenken över dat, wat würklich wichtig is,
wat dat bedüden kunn, dat Gott Minsch worrn is. |
|
In't drütte Johrhunnert na Christus fragen de Inwahners vun
Nizäa, wat se denn noch Apollo Opfer bringen schullen, wo dat
doch mit de olle Religion so bargdal güng un de Pythia,
de "Seherin" vun Delphi, de sä: |
|
Wenn Gott still swiggt, denn weet he, wat he deit. Man de Minsch sall liekers dat, wat Bruuk is, wieder plegen. Dor gifft dat twee Gründen för. To'n eersten: Ok, wenn een dat Ritual gor nich versteiht, dat kann helpen över de Festdaag to kamen, dat kann stabiliseern un dat is nich wenig. To'n tweten: Christliche Rituale, Feste un Bruukwiesen sünd as en Regentunn
in'n Goorn. Dat gifft Tieden so as in letzten Sommer ,
dor fallt keen Regen. Smitt een nu sien Tunn up den Sperrmüll,
denn geiht he lerrig ut, wenn't wedder regent. |
|
Thomas Baltrock, Anke Nissen |
|
20.12.2003 |