Vun de Zappelphilipps

vun Rudi Witzke



De klassische Zappelphilipp

Ik will vun unruhige Kinner, de dat Liernen un Stillsitten swoor föllt, reden.


Kinner un Medien. Teknen: Rudi Witzke

Een Sprook geiht so: Wi schallt de Kinner dor afhalen, wo se sünd... un denn den Eenzgen behanneln, as weer dor en Engel vun'n Himmel fullen. Vele Öllern dröömt denn al dorvun, wat ehr Kinner warden schüllt, tominnst en Dokter.

Wi schalln ehm un ehr aver ok inkluseeren un se swemmen laten, wenn se dat ok nu noch jümmer nich köönt. Dat Swemmen mutt even vun de Liehrer beder evalueert warden. Schuld, dat de Kinner wat nich köönt, wat se över könen müsst, hebbt faken de Liehrer. So ward faken seggt.
Un wenn de Eenzge disse Zappelphilipp-Krankheit hett, vun de all so veel snacken, mutt de Lehrer orrer Liehrerin pünktlich den Zappler sien Pill geven, ja, richtig leest: Pill geven.

Ok rechttietig mutt de anner Kroonprinz erinnert warden, dat hei maal mutt. Wenn nich, denn geiht't in de Büx. Un en besünner Macke hett een: De mutt ierst so binah 10 Minuten mit Lego spelen, denn sett hei sik up sienen Platz un höört de Liehrerin nipp to. Denn löppt hei poor Runnen in de Klassenstuuv. Denn mutt hei Rauh hebben. Hei sett sik up den Stauhl vun den Liehrer, mit'n Kopp up dat Klassenbook. Tohuus is dat nich veel anners. Dor kannst ok Medekamenten geven orrer to Tomatitherapie orrer Autogenes Training raden. An bequemsten aver sünd Pillen. De bekanntsten Pillen sünd Ritalin.

Dat wirkt na en half Stunn un höllt drei Stunnen vör. Hier helpt denn doch maal de Begleitzedel. Dort steiht schreven, dat de Kraam ünner dat Betäubungsmiddelgesett steiht un vele Opwussene dat jümmer wieder schlucken doot. Kann ik mi op verlaten, dat mien Busfohrer orrer Pilot clean is, frie vun Ritalin orrer Methylphenidat? In Amerika wohrschugen se de Schöler un Studenten vör den Gebruuk vun dit ruhig stellen Medekament. In de ZEIT Campus Nr. 02/2009 kannst lesen:

"Das erste Mal in meinem Leben nahm ich Ritalin mit 17. Ich war Austauschschüler in Washington , D. C., und Adam, mein Gastbruder, hatte die Pillen besorgt. Wir zerstampften sie mit einem Gewürzmörser aus der Küche und zogen das Pulver mit einer Zehndollarnote durch die Nase, das Bild von Alexander Hamilton hatte danach ein kleines Hitler-Bärtchen aus Staub.
Adam sprang auf, schrie: Look! It's Adolf Hamilton! und fiel über den Mülleimer auf den Boden. Es war die Nacht, in der wir später mit Fahrrädern durch Washington fuhren und Güterzüge mit Graffiti besprühten. Wir flohen schließlich vor der Polizei, dann lag ich im Bett mit weit aufgerissenen Augen, unfähig, einzuschlafen. Mein Herz schlug hart und schnell, meine Augen sprangen sinnlos von einer Ecke zur anderen, ich schwitzte; es war ein Scheißgefühl. Ich wollte nie wieder synthetische Drogen nehmen. Auch nicht Ritalin."

Un nu helpt de Snack nich, dat de Liehrer de Schuld hett. Ok dat Internet und dat Kiekschapp hebbt keen Schuld. Wat anners deit in de Familie Noot. Tiet hebben! Tohören könen! Vertruun!


Foto a4gpa/flickr.com

En Buttscher harr en anner Spraak as ierste Mudderspraak. Hei müsst denn ok hen na de Schauldoktersch. Se müsst unnersäuken, wat hei riep för de Schaul weer. Hei schull alleen vör de Wittkiddelsche up en Stauhl sitten un up Fragen antern. Hei leep aver jümmer wedder na sien Mama, de achtern an de Wand ehren Platz towiest kreeg.

"Sie sollten mit dem Jungen zum Arzt gehen. Es gibt gute Mittel gegen dieses unruhige, ängstliche Kind. Merken sie sich, dass der Arzt dem Jungen Ritalin verschreibt."


Kinner warrt "checkt" un vermeten. Teknen: Rudi Witzke

Sien Mudder is nich na en Dokter gahn, wat se sik Ritalin för ehren Jung verschrieben leet. De Enkel is liekers in de Schaul upnahmen. Sien Mudder hett dat rechte Middel gegen Ängste un Unrauh funnen: Gedüür un jümmer wedder Leiv. Un wedder Gedüür un noch miehr Leiv in de ganze Familie.


Teknen: Rudi Witzke

De Inklusion hett em ok to faten hatt, wieldat hei en utländschen Spraakhinnergrund hett. In veer Johren hett en Liehrerin 50 Minuten Tiet kregen, ehm to helpen, Düütsch to schnacken. In disse Minuten hett hei nich Düütsch snacken liernt.

Hüüt is hei in de sövente Klass, schnackt en Hoochdüütsch, meist beder as de Hannoveraner. Hei hett nich een Pill kregen. Tiet bruukt hei, dat hei vertruun kann. Dor geistert nich dat Woort "Abitur" as Press för ehm dörch de Daag. Dat Woort kennt hei nich. Wenn dat so wiet is, warden hei un sien Mudder schon rechtiedig dat Rechte daun. Ahn de wittkiddelt Schauldoktersch un ahn Ritalin.


28.9.2014


na baven