Sorg för mien Recht, Gott!. Bild-Idee: Ludgerd Lüske, Microsoft. Klick = Vergröttern

Den Sönndag Judika neumt man nao den Anfang van ein latinschke Antiphon: "Judica me, Deus, et discerne causam meam de gente non sancta." — Sorg för mien Recht, o Gott, un wohr mien Wark vör dat unhillige Volk. (Ps 43, 1)

Mit disse Antiphon bäet wi üm ein Sorgen för use Recht un för ein Wohren vör leipe Menschken. Dortau is ein Hören up Gott un eine christlicke Gerechtigkeit nödig. Mit den Sönndag Judika fang ansick dei Passionstied an un wiest us, dat Christus up den Vaoder hören dö.

Gott, dör Christus sien Daun seiht wi, dat du us orig leiw häs. Disse christlicke Leiw is ein Geschenk. Dat käönt wi faoken nich gaut annähmen. Leite us, dat wi van diene Leiwde lehrt, wo wi use eigen Läben taurechte krieget. Giff us den Maut för den eiersten Tratt ut use bekannte Ümwelt rut. Laot us den Tratt in eine Welt waogen, dei us frömd un feindlick vörkummp.

Judica me, Deus,
et discerne causam meam de gente non sancta :
ab homine iniquo et doloso eripe me :
quia tu es Deus meus,
et fortitudo mea. (Ps 43, 1)

Sorg för mien Recht, o Gott,
un wohr mien Wark vör dat unhillige Volk.
Wohr mi vör leipe Menschken un ehre Nücke,
du büs doch mien Gott
un miene Kraft.

Emitte lucem tuam, et veritatem tuam:
ipsa me deduxerunt
et adduxerunt in montem sanctum tuum.
Psalm 42 Vers 03

Schick dien Lecht un diene Worheit,
dat sei mi leiten daut
un mi nao dienen hilligen Barg bringt.

Antiphon: Judica me, Deus,
et discerne causam meam de gente non sancta
Bild-Daoten: Polifoniatuttolanno, ännert
Luuster hier: Youtube