Invokavit


Bild Rudi Witzke

Du dürst seggen: "Bi mien Heer bün ik burgen.
Jo, bi d' höchste Gott hesst du Toflucht funnen."

Psalm 91,9

Verkehrsunfall up d' glatte Kreisstraat.
In een Kuurv trerven 'n Omnibus un 'n PKW upnanner. De PKW is up d' Fohrersiet ganz inbult.
Offgebroken Stüürradd qwetscht de Insassin de Buuk in. Linke Been is inklemmt. Deepe Schnittwunnen an linke Kneej un Fööt.



In dit Auto satt ik vör numehr 31 Johrn in de Winter 1979.
Ik bün dor lebendig rut kommen. Schwoor verletzt,
mit 'n Bloodgerinsel in d't Gehirn un schlimme Buuk-
un Beenverletzungen.
Ik weer jung verheirood un harr dree lütje Kinner in Huus.
De Minschen schlogen d' Hann övert Kopp tosammen un frougten:
"Wo sall dat worden?"
In disse Tied in d' Krankenhuus, dor hebb ik belevt, Gott lett mi nich alleen...
As ik so in mien Krankenhuusbedd lagg, do kun ik allens ofgeven.
Mien Keerl un mien Kinner.
Jesus sull sük dorum woll kümmern, dat se nich to kört kemmen.
He harr hör ja leev.
Do harr ik mien Free.
Ik wüss ganz wirs, wenn ik nu starv, denn bün ik bi hum burgen.
Jo, bi de höchste Gott hebb ik Toflucht funnen.
Dor weer kien Nood. Dor weer kien Unrast.
Nee, blot 'n deepen Free weer dor.
Un to de Free hett he mi mien Gesundheit schunken.


Bild Rudi Witzke

Un Gott see: "Se hett mi leev, dorum will ik hör erretten;
se kennt mien Noom, dorum will ik hör bewohrn."

Na Psalm 91,14


Sabine Brauer

21.2.2010


na baven