Mit Trost langt daol dei helpen Hand.
Jesus wiest so klor ein Lecht mit Haopen.

Den Sönndag Invokavit neumt man nao den Anfang van ein latinschke Antiphon: "Invocavit me, et ergo exaudiam eum." (Ps 91, 15,) — "Röpp hei mi, krigg hei eine Antwort."

In dit Antiphon hört wi all dat bold kaomen Osterfest un dei helpen Kraft gägen ein Verföhren, dei sick dör dat Wedderupstaohn van Jesus wiest. Ein Verföhren is alltied dor, bi den Menschk sülwes off dör eine frömde Kraft. An den Sönndag Invokavit hört wi dei Geschichte van dat Verföhren van Jesus. Wi danket Gott, dat hei för us dei gaue Scheper is. Dei us, aohne Sünde, dör sienen Dood erlösen dö. Blots mit dei Hülpe van dissen gauen Scheper kaomt wi gägen dat Verföhren an, so käönt wi aohne Sorgen läben.

Mangers is et för us schwor, dat wi dei Wohrheit finnt. Herr, help us, dat wi klor seiht, wat recht is, un den Maut häbbt bi ein Afflähnen, wat verkehrt is. Help us, dat wi faste staoht un up einen gauen Weg bliewt.

In dei Liturgie-Geschichte was disse 1. Fastensönndag tau eierste dei Anfang van dei veiertich Daoge duuren Fastentied. Aower an dei Sönndaoge bruukde man nich fasten. Man wull aower, so at Christus, 40 Daoge lang önnlick fasten. So hätt man läöter den Anfang up den Middewäken dorvör leggt. Dat is vandaoge dei Aschkenmiddewäken.

Antiphona (Ps 90,15-16):
Invocabit me, et ego exaudiam eum:
eripiam eum, et glorificabo eum:
longitudine dierum adimplebo eum.

Röpp hei mi, krigg hei eine Antwort.
Ick dau üm redden un priesen.
Väle Daoge lang dau ick üm ehren.
(Nao Ps 91, 15)

Versus: (Ps 90,1):
Qui habitat in adiutorio Altissimi,
in protectione Dei caeli commorabitur.
Antiphon (Ps 90/91,15-16):

Wecker sick up dei Hülpe van den Allerüpsten verlaoten dait,
bliff ünner den Scherm van Gott, dei Baos in'n Himmel is.

Antiphon: Invocavit me, et ergo exaudiam eum
Bild-Daoten: Abtei-Muensterschwarzach
Luster hier: Canto Gregoriano