Passion 2013
Sönndag Invocavit

Gaue Mächte

Van gaue Mächte immer sacht behödt,
mit Trost bedacht heel wunnerbor,
so kann ick dei Tied mit jau beläwen
un mit jau gaohn dör ein neiet Johr.

Noch deit dat Harte oldet marken,
du us ein Krüz denn drägen läss.
Herr, laot use Sälen dat bewarken,
giff Heil, dat du för us doch vörseihn häss.

Un giffs us mangers schwor tau drägen,
so schwor, mit ein fastet Band.
Wi nähmt dat so un driewt nich gägen,
haopt up diene gaue, leiwe Hand.

Wullt du us maol Freide schenken,
up dei Welt wor dei Sünne schinnt.
Wi willt nich mehr an't Leipe denken,
un seihn, dat wi den rechten Globen finnt.

Warm un lecht laot dei Kessen brennen,
dei schäöllt verdriewen aal' den Daok.
Holl us fast, denn kann nümms us trennen,
wiss hollt dien Lecht in dei Nacht us waok.

Wenn sick denn ümm us dei Stille legg,
so will wi hören up den mojen vullen Klang,
van dei Welt, dei ein sachtet Haopen drägg,
un aale Kinner singt den Loofgesang.

Gaue Mächte hollt us frei van Sorgen,
wi teuvt mit Trost up dat wat kaomen mag,
Gott is bi us an'n Aobend un an'n Morgen,
un heel wiss an jeden neien Dag.

frei nao Dietrich Bonnhoeffer


Montage: Ludgerd Lüske. Klick up tau'n Vergröttern!


Südollnborger Platt: Ludgerd Lüske

Montierte Biller:
Figur ut den Krüüzweg Varrelbusch

19.2.2013


na baven