Gott maakt Adam

Letzt heff ik leest, de Kark mutt sik mehr üm de Mannslüüd bekümmern. Is woll so!

Gott hett een Snack mit Eva

Funnen un in't Plattdüütsche bröcht vun Rudi Witzke

Gott maakt Eva
De Naam vun den Schriever vun düssen Text is nich to finnen, wi dankt em aver hartlich.

Maal sä Eva to Gott in'n wunnerschönen Goorn Eden: "Gott, ik heff een Probleem!"
"Wat is dat för een Probleem, leve Eva?"
"Gott, ik weit, dat du mi schapen hest, un mi to Siet dissen wunnerschönen Goorn un all de posseerliche Derten un de to't Dootlachen komische Slang sett hest. Aver ik bün bi'n besten Willen nich glücklich."
"Woso, leve Eva, büst Du nich glücklich?" keem de Fraag vun baven.
"Gott, ik bün so eensaam, un ik kann Appels nich mehr seihn."
"Na goot, leve Eva, för dissen Fall heff ik een Utweg för Dien Probleem. Ik warr Di een Mann schapen un em Di to Siet stellen."
"Wat is een Mann, Gott?"

"Disse Mann, dat is en Kreatuur, bi de wat scheef gahn is, mit vele Fehler un slechte Charaktertöög. He ward leigen un iedel sien, dat dat nich to glöven is. Un he ward de Nees hooch drägen, höger geiht dat gor nich. So in't Grote un Ganze ward he di dat Leven swoor maken. Aver he ward grötter, stämmiger un flinker sien, un he ward Adam, fast fertigdat nich laten können to jagen un jümmerto enerwat doot to maken.
He ward beten damlich utseihn, wenn he sik upregt, aver nu, wo du di beswert hest, warr ik em so trecht maken, dat he di bi dien Lief sien Lengen helpen kann.

Witz ward he nich hebben un de gröttste Freud an hebben, enen Ball mit de Fööt to schubsen, jümmer vele, aver blots een Ball. Müttst Di Oropax besorgen, denn bi dit Football brüllt he förchterlich. He ward ok nich veel Plie hebben, so dat he dienen Raat nödig hett, dat he man so even kloor kümmt."

"Dat smitt mi nu ja woll üm, Gott", sä Eva un gniestert so'n beten hinnertücksch.
"Segg, Gott, wo is de Haken?"
"Also… Du kannst em blots ünner een Beding hebben."
"Un wat is dat för een Beding?"
"Ik sä schonst, he ward stolt un inbildt sien un sik sülven an meisten bewunnern. — Du müttst em dorför in den Gloven laten, dat ik em toeerst schapen heff. Denk an, dat is uns beid lütt Geheemnis...

Du weitst al, so vun Fruu to Fruu."

Eva, skeptisch


Biller: Michelangelo Buonarroti

29.10.2006


na baven