Wees fief Minuten still
21. November


Andacht vun Heinrich Giesen, in Platt bröcht vun Marlou Lessing

Jedeen, de solk Höpen hett to em, de maakt sik rein, liekso as ok he rein is.

1. Johannes 3, 3

Gresig sünd Fruuns mit'n Putzfimmel. Se maakt sik un anner Minschen damit ramdösig. Se putzt ahn Freud op den Gast, un wenn een se fraagt: "Freust di op den, de kamen will?", antert se: "Freun? Achterna! Eerst reinmaken."

Gifft Christen mit Putzfimmel. Se maakt sik un annere rein ahn Höpen, stellt Maßstäbe vun Hilligen op för sik un annere un quäält de Gemeen.

Slimmes Missverstahn!

Jedeen, de solk — solk! — Höpen hett, maakt sik rein.

Welk Höpen? — Dat wi Jesus Christus sehn warrt, as he is. Düt steiht een Reeg över unsen Text. Solk Höpen maakt rein.

Solk Höpen maakt all Hilligen to fröhliche Christen; as dat Höpen op den Gast dat Putzen to'n Fest maakt. — Orr kennt een etwa en Fru, de Naricht kreeg, dat ehr Mann ut de Gefangenschap na Huus keem, un dat Huus in Sorg un Quaal herrichten dä?

Wi warrt em sehn, as he is.

Wokeen sik op freit, maakt sik rein.

Uns Herr Jesus Christ, wi dröfft höpen, di to sehn. Laat düss Freud in us allens bestimmen. Maak du us rein, dat wi di willkamen heten köönt.

30.11.2008


na baven