Wees fief Minuten still
20. November


Andacht vun Heinrich Giesen, in Platt bröcht vun Marlou Lessing

Düsse Nacht warrt din Seel vun di feddert.

Lukas 12, 20

"Maak din Reken mit'n Himmel, Vogt, din Klock is aflopen!", seggt Willem Tell in de holle Gass, as he op Geßler töövt. So'n Woort steiht twoors bi Schiller, avers dat hett ok wat Biblisches; Jesus Christus sülven snackt ja vun en Termin, wenn allens in Ordnung bröcht ween mutt.

De Reken mit'n Himmel!

Gott feddert us.

Wi warrt vör em stahn, un denn warrt rutkamen, wat wi de Reken maakt hebbt orr nich, wat wi wat praat maakt hebbt orr nich. "Wat hest du praat maakt?", warrt Gott fragen. Sünd wi praat, vör sin Angesicht to treden, orr hebbt wi noch wat to regeln?

In uns' Leven gifft dat Placken, 'neem keen Ordnung is. Gott kann us hüüt wegropen. Gott hett en Termin mit us. Warrt hoge Tied, dat wi us daför praat maakt. Denn wi warrt fraagt.

Woans maakt wi us denn praat? Wi maakt us mit de Wohrheit vertruut. Dör den, de de Wohrheit sülven is: Christus, den Herrn. De hett us allerhand to seggen — un mennigwat an us to doon.

De Schuldschien lett sik tweirieten. Dör em.

O Gott, giff, dat wi di eernst nehmt.

30.11.2008


na baven