Wees fief Minuten still
5. Juli


Andacht vun Heinrich Giesen, in Platt bröcht vun Marlou Lessing

Maak du mi heil, Herr, denn warr ik heil ween; help du mi, dennso is mi hulpen.

Jeremia 17, 14

Ahn Süüknis seggt nüms: "Maak mi heil!" Wenn wi Christenlüüd so beedt, schullertuckt de annern faken un seggt: Wat de sik allens inbildt! Inbildsche Kranke! — Inbildsche Kranke mag dat in de Literatuur orr ok in'n Alldag geven; dat mag Süüknissen geven, de bloots inbildt sünd un de en mit vernünftiges Toreden kureern kann: De Süüknis, vun de Christenlü snackt, is keen inbildte, sünnern en ganz elementare Süüknis vun all Minschen. Wi sünd süük vör Gott. Lung un Hart un Lever muchen dorbi ganz op'n Damm ween. Liekers sünd wi doodkrank. Denn dat wi in Sünn boren warrt un as Sünners opwasst, dat wi as Gottlose vör us hen leevt, dat is Würklichkeit. Düsse Süüknis kureert utrekent de Dokter, den wi meiden doot: Gott sülven deit dat, indem dat he us bindt un verbindt. Wenn he bindt un verbindt, maakt he heil. Wenn he heilt, maakt he us Heillose to heilte Lü. För jümmers heil för em.

Dorwegen is dat good, so'n Gebeet to seggen. In Gotts Spreekstünn is noch nümsnich vergeevs west.

O Gott un Herr, du weetst dat Middel, uns Süüknis to heilen. Din Söhn heet Heiland. De kann maken, dat uns' Mund vun Lachen vull warrt.


5.7.2009


na baven