Wees fief Minuten still
15. Februar


Andacht vun Heinrich Giesen, in Platt bröcht vun Anke Nissen

Wat fehlt mi noch?

Matthäus 10

De rike Jung in de Bibel weer en geistig hochqualifizeert jungen Mann. Vull vun Anspröök, as wi dat alltohoop geern sien möögt. So staht wi vör Jesus un seggt: "Dat, wat vun 'n christlich Gloven to seggen is, dat passt wohl to de Ollen; de Predigt, de ik graad höört heff, de gell wohl för mien Naver. De Andacht, de ik hier lees, de is allerhööchst wat för miene Kollegen. Ik aver, ik, de ik doch siet Johren fromm leevt heff un vun Huus ut al weet, wat los is un wo dat up ankümmt, ik heff en besünnern Anspruch: Wat fehlt mi noch? Dit kann doch nich allens sien! Dat mütt doch Religion für "Fortgeschrittene" geven."

Nee, de gifft dat nich. Wokeen mit Jesus nich tofreden is, för den giff dat keen anner Mööglichkeiten. För den riken Jung geef dat ok nix anners as Jesus orrer nich Jesus. Un he hett de tweet Lösung wählt.

De Fraag is nu, wat wi uns noch lang so vull vun Anspröök vör Jesus henstellen köönt. Weern wi doch endlich so wiet, dat wi em bekennen, wat annere vör uns al bekannt hebbt:

Een deit Noot! Och Herr, düt Een
wies mi doch, dat ik dat kenn.
Schient allns anner noch so schöön,
is't doch bloots en Last amenn,
de dat Hart in Driev un Draff höllt
un vun't wohre Frohween afhöllt.
Harr ik man dat Een, dat allens ersett,
dat maakt mi all Freuden un Herrlikeit wett.

Na J.H.Schröder


To'n Anhören hier klicken:

Lesen deit Anke Nissen in Holsteiner Platt.


13.2.2011


na baven