Ok en oles Huus mutt starven

vun Rudi Witzke



Mien Geboortshuus, Sunsche Wisch. Foto Dieter Guderian

Wulle wulle Gäussi.
wat raschelt in Strooh?
Dat sünd mien leiven Gäussi,
de hebbt ja keen Schooh.

De Schauster hett Ledder,
kein Leisten dortau,
drüm gahn mien leiven Gäussi
noch jümmer åhn Schooh.


De Bagger stött dat Huus üm. Foto Jörg Scheffelke

En ole Kierl bün ik woorn,
mien Gäussi sünd in den Heven flågen,
mit en lahmes Krüüz sitt ik hier rüm,
mien Huus, dat pläugt en Bagger üm.

En Puuk hett Schaulhuus
mit veel Mööh schütt, wat nu
de Bagger in sien Muul versluckt
un in dat Boddenwader spuckt
.
Reaturiert schallt Land warden.
Weg mit Wall,Pumpen, Diek un Graven.
De See schallt Land wedder hebben.
Moorig-moddrig ward warden.


Renaturiert to en Moorholt. Foto BlueCanoe/Wikimedia Commons


Warktüüg ut de Steintiet

Steinbiele hebbt se funnen
dor achtern bi de Hoge Düün,
en anner Schöör gifft Kunnen
vun Minschen, de hier wahnt.

"Dat Land is renaturiert!"
Dat is nu vun Bedüden.
Se mellt dat hen na Brüssels Bürokratie
un köönt en Stück Autobahn buen,
villicht in Rumänien.


Rumänische Autobahn. Foto Bogdan/Wikimedia commons

Un kannst singen: Keen schöner Land in disse Tiet!


Rudi Witzke
27.7.2014


na baven