Logo "Wunnerwarken in Mäkelborg"Wunnerwarken in Mäkelborg, Deel 5:
Dei 500jöhrige Wildappelboom twüschen Stubbendorf un Ehmkendorf

vun H. Jürgen Grebin



So berühmt wie dei mäkelbörgschen Eicken von Ivenack mit ehr rund dusend (1000) Johren ist dei Wildapppelboom twüschen Stubbendorf un Ehmkendorf nich. Hei hett blots einen Stammumfang von 4,5 m, aver in einen lütten Gorden von Nuurddüütschland ward man so einen woll nirgends finnen.

De legendäre Appelboom
De legendäre Appelboom. Anfang Mai wiest hei noch tögerlich de eersten Bläder

Na dat Öller hebben sei denn Appelboom sülben fraagt, hei wüss dat nich nauer
Na dat Öller hebben sei denn Appelboom sülben fraagt, hei wüss dat nich genauer

Ünner'n Appelboom: Dei Rostocker Jahresringler simmeleert, wat sei tosamen wohl so veel Jahresringe hebbt as dei Appelboom
Ünner'n Appelboom: Dei Rostocker Johresringler simmeliern, ob sei tosamen woll so väl Johresringe hebbt as dei Appelboom

Dorbi is dei Appelboom dei stattlichste in ganz Nuurddüütschland un kann sick ok nu noch ümmer wieder utbreiden, wieldes denn Knuurigen nix inn Wech steiht, denn blots ein Wannerweg stüürt em nich.

Sien Öller ward up 400-500 Johr schätzt, doch Fachlüüd glöben dat nich un räkend blots mit 150 Johr. Hei ward öwer woll doch dei öllste Wildappelboom von Düütschland sien.

Dei Boom sall an dei hüdige Appelboomallee twüschen Stubbendörp un Ehmkendörp plant worden sien, wiel dor ein Handwerksbursch taun Dod käm un sick keiner an dei Grenz von drei Gäuder för ein urdentliches Begräwnis tauständig fäuhlte. Ein spöökhaftige Anfang för dissen prachtvullen Boom! Aver de junge Handwerker hett so ein Denkmal kregen, as rieke Lüüd un Fürsten dat nich hebben.

Dei Koort wiest de Laag von Ehmkendorf (in'n blaagen Krink)
Dei Koort wiest de Laag von Ehmkendorf (in'n blaagen Krink)
un is ut dei Tied, as dei Appelboom plant wüür. Klick up tau'n Vergröttern!

Nora Fischer und Siegfried Zuknik, dei gauden Seelen von Ehmkendorf
Nora Fischer und Siegfried Zuknik, dei gauden Seelen von Ehmkendorf

Dei Künstlerin Nora Fischer ut Berlin hett sick schon tau DDR-Tied dei rünnerkamen Gaudsanlach in Ehmkendörp köfft. Sei hett mit ehren Mann, Siegfried Zuknik, denn Förderverein "Gutshaus Ehmkendorf e. V." gründt, mit dat Ziel, dei geschichtlich, soschial un kulturell Rull un Bedüden von Gaudswirtschaften in Mäkelbörg dortaustellen.

In den Gaudshoff un in den Gaudspark hebbt sei Berieke för Utstelln un Akschonen schafft. Tausättlich tau Kunst gifft dat ok Informatschonsveranstaltungen un Dokumentationen. Ein besonneres Oogenmark hebbt se dorup, Kinner un Jungslüüd mit Themen as ümweltschonende Läbenswies up't Lann, historische ländliche Buwiesen un aktiven Denkmalschutz vertruut tau maken.

Ünner sachkundig Führung von Fru Nora Fischer erläwten wi dat Vörhebben
Ünner sachkundig Führung von Fru Nora Fischer erläwten wi dat Vörhebben

Uns Johresringler ut Pierknüppel (Rostock) schmeckten dei  schmackhaften Wildkrüüter na dei Führung besünners gaud
Uns Johresringler ut Pierknüppel (Rostock) schmeckten dei
schmackhaften Wildkrüüter na dei Führung besünners gaud


Blick in't Recknitz-Daal

Dei Landschaft in't Recknitz-Daal is ümmer werrer beindruckend schön
Dei Landschaft in't Recknitz-Daal is ümmer werrer beindruckend schön


Fotos: H.-J. Grebin
Översicht över de Bidrääg
7.12.2008


na baven