Vör 70 Johren —
dor föllt in Lübeck de Höll vun'n Heven

Gedenken an'n Beginn vun de groten Zivil-Bombardements in'n tweten Weltkrieg

vun Rudi Witzke, schreven in'n Mai 2012


Kinner un Mudders
in'n Bombenhagel,
brennen Phosphor
krüppt dörch de Straten,
swemmt up de Traav. —

1000 Bomber trecken ehr Bahn,
een Pulk is 15 miles lang.
To wenig Nachtjäger
starten in de Düsternis
un versöökt to defendeeren.


Histoorsche Opnahm, Wikimedia Commons


Kuntrulltorm St Trond, friegeven vun Eric Coeckelberghs

Neven de Startbåhn
swiggt de Kuntrulltoorm
vun St Truiden domaals.
Belevt hett hei allens.
Aver hei swiggt bit hüüt.

Dor hulten se up,
de Motoren,
dor bevert'n de Flünken,
de hele Fleiger
bibberte.

Denn rullt hei an
un suust in de Nacht,
de Säuk geiht loos
na Lancasters —
Buurdkanon'n ballern.


Weg mit de Bremsklötz, Start! Bild Helmut Grosse/Bundsarchiv


Nachtstart Do 17 Z. Bild Bundsarchiv

Nacht för Nacht
geiht dat so
un denn ok an'n Dag.
Rieten de Nerven
bi Pilot un Crew?


Twei US Bomber smieten Bomben up Koblenz. Foto US Air Force/US-Nationalarchiv

Hooch müßten's wedder,
Överall Bomber in de Nacht!
Een Pulk na'n annern,
elkeen 15 miles lang!
In'n Toorm gifft "Friee Fohrt!"

Een anner Jäger
kümmt retuur to lieke Tiet!
"Kumm daal,
hier is allens kloor!"
Orrer weer dat nich?

Een Füürtung
an'n Heven.
Sünd de Up- un Daalfleiger
beid "crashed"?
Denn is't allens still.
Musingstill!

Orrer weer dat anners?
Wiss is dit:
De Crew is doot.
Mien Brauder as Stüürmann,
de Bordfunker Heise
und de Bordschütt Wutz.


Fleigerunglück. Foto André Karwath aka Aka/Wikimedia Commons


Luftkampf Do 17 Z. Bild Bundsarchiv


Lübeck brennt 1942 as ierste Stadt. Bild Bundsarchiv Nr. 146-1977-046-16

Un wedder Bomber an'n Heven —
poor maal 15 miles Bombenfleiger!
Se treken wieder ehre Bahn.
Dor föllt de Höll vun'n Heven.
Dörch de Straten fegt de Füürstorm.

Vör 70 Johren!


"Feuersturm", Bild vun Gertrud Everding/Literadies. Kiek ok hier.


Dresden an'n Morgen von'n 14.02.1945; Flüchtlinge in de Binnenstadt. Bild Bundsarchiv

In memories of William Climie and Hans Witzke


William Climie: De junge Mann — un sien Graff

W/O Class II, William Benzie Forbes Climie, 23/08/1943
Here with his mother, Mary Climie, taken on his last leave home to Staten Island in the USA.
His aircraft was shot down by Ltn. Hans Witzke 4./NJG 1 whilst on a bombing raid on the IG Farben Works in Leverkusen. Though Bill was serving with the Royal Canadian Air Force he was in fact born in Scotland in 1921 and emigrated to America with his mother and father in 1923. When the war broke out Bill had wanted to come back to the UK to "do his bit" but as this was against American law at the time he was prevented from doing so. To overcome the law Bill simply crossed the border to Canada and joined the RCAF where he underwent his initial training before being posted to the UK.
His cousin, Staff Nurse Agnes Murdoch Climie, was killed during an air raid 30/09/1917, she is buried at Longuenesse (St Omer) Souvenir Cemetery.
For his cousin, Tony Climie


Hans Witzke: De junge Mann — un sien Graff

Ltn. Hans Witzke 31/08/1943
Hans is buried in Lommel German Cemetery
for his brother Rudi Witzke (Stockelsdorf Germany)

"EB255 WL-P William Climie, Crashed near Tongeren, Belgium after being shot down by Lt Witzke... in a IV/NJG 1 night-fighter while on a mission to Leverkusen on 23.8.1943"

Hier leest wi: "On the 17th August, Witzke had charged into a daylight raid by the
8th AirForce and had been credited with a B 17 destroyed, but on the night of 30th August he and his crew died in a crash near St Trond."

Un denn is allens still in St Trond un överall

Bloots de Nakamen vun de Doden ut de Bombenhöll köönt sik erinnen.
Ik will dat daun, besünners för

Wiliam Benzie Forbes Climie and Hans Witzke

both together, fiendlich in ehr Tiet, hüüt villicht Frünnen.

Woll so an 600 000 Fruuns un Kinner un öllre Mannslüüd kaamt in de Bomberie üm't Leven,
138.596 düütsche un ca. 100.000 allieerte Piloten starven bi de Kämp in de Luft in den Bombenkrieg över Düütschland. Wi erinnern!

Rudi Witzke


20.5.2012


na baven