Wiehnachtsstebeln

vun Brigitte Fokuhl


Tau'n Anhören hier klicken:


Lesen deit Brigitte Fokuhl in Holsteiner Platt.


Wat hett denn blots de Wiehnachtsmann
dit Johr för schietig' Stebeln an? ...
Bi't letzte Fest, de weren goot
un passten prima to dat Root
vun siene lange Wiehnachtskluft
mit ehren Rüük na Tannenduft
un Appeln un bruun' Pepernööt,
so krosch un kott un ok noch sööt.
Man disse Stebeln rüükt na Mess.
Wo is he dormit vörher west? ...
Dor fallt mi in: in'n Gorden is
een grote gröne höltern Kist.
Dor hett Vadder sien Warktüüg in,
un ok poor Stebeln legen drin.
Nu segg mal, lever Wiehnachtsmann,
hest' etwa disse Stebeln an? ...
Na, dit Johr mütt dat denn so gahn,
man nahstens treckst' di anner an.
Dien Fru leest di süs de Leviten
un wiest sik vun ehr' legen Sieten.
Un denn kriggst du wat mit de Ruut
un villich ok wat an de Snuut.
Du meenst, se markt nix ? ...
So sühst du ut!



na baven