|
Wat is hüüt los? Nu kiek mal an!
De Gratulanten drängelt ran.
Dor gifft't nu nix mehr an to rüddeln,
se wüllt juch all de Hannen schüddeln.
Wer veertig Johrn verheiraat' is,
de höllt tosaam', dat is gewiß.
Dat is je ok een grotes Glück:
Veertig Johrn an enen Stück!
Dat schafft s' nich all, dat is woll wohr!
Mit griese un mit gor keen Hoor,
dat is egaal, Hauptsaak gesund,
denn kümmst so licht nich up'n Hund.
Doch dat is kloor, dat kost hüüt wat:
De Bruut hett lang keen Ring mehr hatt.
De Brü'gam köfft een mit Rubin.
Tschä, dat hett Oort! So sall dat sien!
Den steckt se an den Finger nahst,
gifft em een Söten: "Kiek, he paßt!"
Man nu schenkt in den roden Wien.
Süh an, dat funkelt as Rubin!
Proost! |
