Mien Teepunsch

vun Erwin Holldorf


'n Friesenpott mutt 't sien
Wat anners is gor nich fien
Heet Water un Tee 'n swaarten
In 'ne oole Kann un luurn

To 'n Fröhstuck 'n beten hiller
Du bis dann starker för 'n Daag
'n beten düster vör 'e Nacht
Man is dann nich so lang wach

Mit Kluntjes ward 't 'ne fien Saak
Dormit ward de Punsch sööt maakt
Knackend meld he sick vun 'n Grund
För em is Water nich gesund

Exotisch rök de Zitronenschaal
Paar spinnern Striepen av un to
Noch Steern-Anis un bruun' Rum
Dat givt mi wedder Mumm

'n lieset Schlürfen ünnerbrek de Stille
's doch to hörn un ok mien Wille
De Klockenslag vun 'ne Kaarktoornklock
Seggt an, nu giv 't Tee in 'n Friesenpott.


Mehr vun Erwin Holldorf: holldorf-art.de

12.6.2011


na baven