Holt fast! Leed för en Vereen
Schreven 1907 för den Vereen „De Plattdütschen“ vun 1902

vun Friedrich Schnoor


(Melodie: "Hipp hipp hurra")

Wi sünd hier an den Elbestrand
Bekannt bi jedereen,
Wie man uns süht hier stammverwandt,
As Plattdütschen Vereen.
Bi uns is de Gemütlichkeit
To jede Tied to Gast
Un wenn de Wind bi uns ok weiht,
hier heet dat stets: „Holt fast!“
So staht wi tru, wat ok mag kamen,
Holt fast, holt fast! Holt fast, holt fast!
För uns're Modersprak tosam'n;
Holt fast, holt fast! Holt fast, holt fast, holt fast!

De Sprak, de wi von Kindsbeen an
Dagdäglich ümmer hört,
De wölt wi spreken ok as Mann
Un holln se leew un wert!
Se is in uns Vereenigung
Een unschätzbores God;
Se mokt dat Hart so froh, so jung,
Un giwt uns Lebensmot!
So staht wi tru, wat ok mag kamen,
Holt fast, holt fast! Holt fast, holt fast!
För uns're Modersprak tosam'n;
Holt fast, holt fast! Holt fast, holt fast, holt fast!

Wer Dag för Dag sien Arbeit deit
Un ümmer froh un geern,
Fix ümmer öp'n Posten steiht;
De dörf sick amuseer'n!
Drum is de Freid hier, leewes Kind,
Wenn de nich weer , weer't bös'!
Un wenn wi denn vergnögt mol sünd,
Denn haut wi op'n Käs'!
So staht wi tru, wat ok mag kamen,
Holt fast, holt fast! Holt fast, holt fast!
För uns're Modersprak tosam'n;
Holt fast, holt fast! Holt fast, holt fast, holt fast!

Mit frohen Sinn, den Kopp vull Kneep,
So gaht wi use Bahn;
Un dorbi kann in'n Harten deep
Doch Leew un Tru bestahn.
Stets arbeit wi för unse Sak
Mit Lust un Freudigkeit,
Dormit uns' leewe Modersprak
För alle Tied besteiht.
So staht wi tru, wat ok mag kamen,
Holt fast, holt fast! Holt fast, holt fast!
För uns're Modersprak tosam'n;
Holt fast, holt fast! Holt fast, holt fast, holt fast!


6.5.2014


na baven