Mudderdag

vun Horst Rehmann


Mudder, hör, wat ik di segg
vandagen mit Respekt un Dank:
An'n ehrenwerten Mudderdag
geböhrt di höchsten Rang.

Ik leev di ganz van Harten,
bewunder dien Besunnenheid,
dien hööglich bliede Aarten,
Geduld un Fröhlichkeit.

För mi büst du en Diamant,
hell lüchtend as en Stern,
eenzigardig un markant,
so as van Eddelholt de Kern.

Ik hebb di geern dat ganze Jahr,
nich bloot an'n Mudderdag,
du büst mien Vörbild, büst mien Star,
du büst de Mudder, de ik mag.

De beste Mudder, de dat gifft,
dat stell ik ni in Fraag.
Ik wünsk mi bloots, dat dat so blifft
noch veele moije Mudderdaag.


11.5.2014


na baven