Gröne Hochtiet

vun Brigitte Fokuhl


Gröne Hochtiet — wunnerboor!
Is dat nich een schönet Poor?
Un wat is överall to höörn? ...
"De Bruut, dat is een smucke Deern!
De Brö'gam is ut goden Holt!"
Un siene Fruu is up em stolt.
Dat is nu kamen, as wi denkt,
se hett ehr Hart an em verschenkt.
Dat is een Nehmen un een Geven,
se meistert nu tosaam ehr Leven.
Dorto höört Wulken, Sünn un Regen,
een kann nich blots in een Tuur swögen.
Dat Dorsien bruukt Leev un Vertrugen.
Dorup sallt ji in Tokunft bugen.
Doch hüüt ward fiert, west man vergnöögt,
passt up, dat juche Gäst sik höögt.
Drum schenkt mal in un laat juch geven.
Wi wünscht dat Poor een langet Leven!

Proost!


Tau'n Anhören hier klicken:


Lesen deit Brigitte Fokuhl in Holsteiner Platt.



na baven