Dezember

vun Brigitte Fokuhl


Nu is dat olle Johr bald rüm.
Wo is dat denn blots bleven?
Wi överleegt un kiekt uns üm —
Wat löppt dat gau, dat Leven!

Wi hebbt uns argert, hebbt uns freut,
't geef männigmal ok Leges.
As dat so kümmt, kümmt dat ok nu:
Mal Nattes un mal Dröges.

Dat weer to alle Tieden so
un warrt sick ok nich dreihen.
Dat Korn würr seit un wuß heran,
un denn is't riep to'n Meihen.

Dezember slött den Kriesloop af
un schenkt uns nieges Leven.
To Wiehnachten is dat sowiet,
Gott will uns sien' Söhn geven.



na baven