|
Du hest uns fraagt, wat wi di helpt,
den Dag to överstahn –
Wi helpt di geern, verspreekt di ok,
dat warrt schon wieder gahn.
Wenn du ok tuuschst die Levens-Tahl
so eenfach över Nacht,
is keen Malöör, dat glööv mi to,
statt „söven“ schriffst du „acht“.
Wenn ok al veles surer warrt,
dien Hoor nu lang al witt
un oftmals in de Knaken bin’n
nu al dat Rieten sitt,
un wenn dat Lopen sworer fallt
vun Dag to Dag ’n Schritt —
denn gah dat even suutje an,
Hauptsaak: du löppst noch mit.
Wat sünd denn ok al achtig Johr
hier up uns schöne Welt,
in’n Harten büst du jung doch bleven
un dat is ’t ja, wat tellt.
Dat ok so wieder gahn mag,
wüllt wi den Herrgott beden,
un he di schenkt, solang as ’t geiht,
en gesundet Leven.
|
