To 'n 75. Geburtsdag

vun Brigitte Fokuhl


Mit Fiefunsöbentig kiek di üm:
dreeveertel Johrhunnert hest du rüm.
Dat is doch woll een ganzen Törn!
Man kiek nich trüchwarts, kiek na vörn!
Denk nich an Krankheit, nich an'n Dood,
faat jeden Dag up't Niege Moot.
Un kümmt mal Hagel un slecht Weder,
tööv af, dat warrd ok wedder beter.
Dat weer bither noch jümmers so,
an'n nahsten Dag büst wedder froh.
To rechten Tiet de richtigen Lüüd,
du weetst, wo veel sowat bedüüd.
Een Klöönsnack höört ok noch dorto
un gifft di Seel- un Hartensroh.
Un sünd de Knaken al 'n beten stief,
een goden Raadslag wärmt dat Lief.
Nu deck man fix den Koffidisch
mit Plummenkoken, ok heel frisch.
Een lütten Kööm, den stellst du kolt.
Nu stööt mal an! Büst noch nich olt!

Proost!


Tau'n Anhören hier klicken:


Lesen deit Brigitte Fokuhl in Holsteiner Platt.



na baven