To 'n 65. Geburtsdag

vun Brigitte Fokuhl


Mit fiefunsößtig is't sowiet !
Di geiht dat nu as anner Lüüd.
Dien Leven kriggt een niegen Törn.
Man keen Manschetten! Kiek na vörn!
Hest so veel plaant un so veel seit,
nu kümmt de Oorn, un nu ward meiht.
Dat Dorsien weer nich jümmers licht,
doch glööv mi, nu kümmt Land in Sicht.
Legg man de Hannen nich in'n Schoot.
Wenn du wat deist, denn geih't di goot.
Du hest nu Tiet, för di to leven
sast nich na grote Taten streven;
holl di mang Strieterie herut,
so süht dien Schicksal sonnig ut.
Man Regen höört ok noch dorto,
dat is nu mal in'n Leven so.
De Wulken kaamt, de Wulken gaht,
dat Weder hett veel Wessel praat.
Du hest Erfohrung, weetst Bescheid
un höllst 'n lütten Sluck bereit.

Proost!


Tau'n Anhören hier klicken:


Lesen deit Brigitte Fokuhl in Holsteiner Platt.



na baven