Wulfswelt

vun Rudi Witzke


Wi bruukt produzeeren Kräfft.

Dor vörn mit den Hamer, dat is mien Vadder! In de Christlich Demokratische Union ward Thomas de Maiziere ünnerstütt, syrischen Flüchtlingen dat Leven swoorer to maken un nich de Verlööf to geven, dat se Fru un Kinner nahalen.

Will hei Öllern dörch Wulfskinner ersetten, mit de wi ja na den letzten Orlog Erfohrung sammeln kunnen? Villicht gifft dat noch en vergeten Överlöper bi de Wulfskinner. De kunn mit Hülp en Liehrbook schrieven: "Woans överleven, wenn Minister di verraden!"

Dat seih ik falsch? De syrischen Inwannerer höört to de Aart homo sapiens. De ranwassenden Jungs sind ehrder to wat to bruken, en Profeschoon to liernen. Wi bruukt in de kamen 50 Johr produktive Minschen. Wenn wi de nich inwannern laten, ward dat uns ahn de Leistungen vun ehren Verstand un ehre Hannen nich so gaud gahn. Domit is en produzeern Minsch för uns Wirtschaft verloren! — Fruuns dögen nich för Hamer un Tang. Över den Verstand will de Minister nich strieden.


Iesenwültwark vun Adolf Menzel

Uns Bevölkerung bruukt Hannen, de mi Hamer un Tang ümgahn köönt. Dor stöört Fruuns un Kinner.
Wi bruukt minschlichen Brägen. Dor hebbt de Kierls miehr vun.


Dat is en Foto vun mienen Vadder. De arbeidt mit'n Brägen. Dorbi stöört Fruu un Kinner. Minschen mit Verantworden in uns Land söökt Muskeln un Brägen för't Inwannern.


Huul nich, dien Vadder ward in Düütschland bruukt!


Wulfsbiller: Juan José González Vega/Wikimedia Commons
Bregenbild: SA 3.0/Wikimedia Commons

10.11.2015


na baven