Een annere drütte Advent...
Niemoodsch Herder up de Feller!
Ik fünn dat Bild jüst bi de Narichten in't Internet.

Is wedder verkoopsapen Sünnavend.
De Lüüd schuven sik dörch de Straten.
Vun Wienachtsmarkt her plärrt dat "Hillige Nacht"!
Morgen is Drütte Advent!

Woso hebbt wi noch keen blaag-witte Antikriegs-Slöpen?
Woso köönt wi nich mehr doon?

Dat hebbt wi na den Grooten Krieg ok överleggt.
Wi güngen all in Coudenhove Calergie sien Düütsche Fredensgesellschop.
De NATO hett uns överrullt.
De "Koole Krieg" hett uns to Spinner maakt.

Nu is dat "Böös" gegen "Goot"!
Dat "Goode" schickt Herders up de Feller.
Segg wat dorgegen! Wohr di!

 
 
 

 

So licht sünd Slagwöör maakt,
mit de slaan warden kann,
wohrhaftig dootslaan warden kann.

Dissen annern Drütten Advent gifft dat ok.
Hüüt gifft dat ehm. Hüüt, wo wi in'n Drögen sitten.

Dor föllt denn de Bott vun Freden neern up Eern dit Johr wedder ut?

   

Rudi Witzke

Antern vun Besökers vun düsse Siet: Hier klicken



na baven