Maat Jan ut BremenMaat Jan denkt na öber

Meyer, Müller, Stromer


"Du lütte Stromer!" hätt min Mudder foken to mi seggt, wenn de lütte Jan mol wedder 'n beeten wat utfreeten har. Un ok hüüt gifft dat so Stromer, un zwar ok ganz grote. Laurenz Meyer weer so een, de hett veele Johr för een Stromkonzert orbeit. Dat heet, orbeit hett he nich mehr för sien ole Chefs, man he seet för de in Bundestag, un dat wär de Strombosse bannich veel Geld wert. Se warrn wohl weeten, worum. Bi de SPD givt dat ok so Stromer, un een vun de is sogor Wirtschaftsminister ween. De heet Müller un hett — över sien Staatssekretär, damit dat nich so upfallt — sien ole Chefs bi Eon een groden Gaskonzern op't Tablett serviert. För sowat Ähnlichet kriggt de Putin in Russland jüst disse Dag bannich veel Kritik vun öberall. De Russen möt dat eben noch lernen mit Demokratie un so. De Herr Müller jedenfalls hett achter sin politische Tied fix een Chefposten bi en Eon-Tochter kreegen. De ole Chef dor hett "völlig überraschend" hinsmeten un en gode Abfindung kregen. Stomer, wohin een ok kiekt.

De Affäre mit Meyer wiest op jeden Fall, dat een nich intelligent ween mutt, um dat mit Angela Merkel nich lang uttoholen. Angie probeert all lang för ehre Rolle as "De iserne Lady". So wiet is dor noch nix anners rutkomen as "De eensome Jungfrau". Erst wull Meyer in Amt blieven, un se weer "stinksauer" op em. Denn seggt se, he schall man doch blieven, un op eenmol wull he nich mehr. Dorför weet wi nu endlich, watt de CDU meent mit disse "Mitnahmementalität" in Dütschland. Mitnohmen sicht de dor al ut.

Vör allen de Merkel kunn een leed don, so alleen. Dorum min Vorschlach: Se schall en Kind adopteern. Keen lüttet Kind natürlich, do mokt jo bloß Orbeit, man een ganz besondern Jung: Christian Wulff! De is Halfwaise un freut sick bestimmt öber so en neede Mudder. Veelicht wart de "junge Wilde" vun fröher denn wenichstens af un to 'n lütten büschen wild, wenn ok nich jung.

Wild vorprescht is Wulff unner annern in de Kultusministerkonferenz. De schall 40% vun ehre Mitorbeiter rutsmieten, anners wull Nedersachsen dor uttreten. Doof is bloß, de annern Länder hebt sick dor nich um kümmert, un so stunn Wulff mitmol jüs so eensom dor as sien Parteivorsitzende un tokünftige Mama. Dorbi is he jümmers so een Fründ vun "Reformen", Kündigungsschutz möt wech, Sozialabbau möt ween,… — bloß dat "dass" mit twee "s" schrieven,Melk is even ok in'n Football de Överfleger -- denn Melk verleiht Flüüügel!nee, dat geit em al to wiet.

Sien needeste Reform hett he bi Coca Cola probeert. De Konzern schall nich dat Monopol för de Football-WM 2006 in Dütschland hebben. Nich bloß Cola, ok gode nedersässche Melk wull he in de Stadien hebben. Bloß weer Wulff al wedder "nich op Ballhöhe", as een Coca-Cola-Spreker dat secht. Dat Monopol för Getränke bi de WM het de Konzern al lang an de FIFA torück geven. Een eenfachen Doppelpass, un Wulff steit al in't Afseits.

Ick meen, nu schall he ok konsequent ween: He schall vun McDonalds verlangen, dat se anständig Brunkohl un Pinkel in de Stadien serveert! Dor sünd jo ok veer Bremer Speeler in't Nationolkader, un de Ruuch vun Kohl & Pinkel is för de better as jedeen Doping.

Dat glövt tominnest

Joon Maat Jan



na baven