Maat Jan ut BremenMaat Jan denkt na öber

Norwuchs!


Düütschland hett Not mit de Utbildung. Överall in't Land sünd junge Lüüd op de Sök nor Orbeit un een, de se ordentlich utbild. Foken end de Sök ohn Erfolg. Dorbi givt dat hier noch een poor Branchen, dor sökt se vertwievelt nor junge Lüüd un köönt keen finnen, de ehre Arbeit doon wullt. Dat beste Bispeel is — nee, nich de Footballers, de ook, ober ick meen veelmehr de Bundsregeerung.

Öven! Öven!

Dor sitt de armen ollen Mannslüüd (un'n poor Froonslüüd), Dag för Dag kriegen se vun alle Sieten een överbögelt, blots wieldat kieneen dor is, de se aflööst. Ober wo grot dat Malheur wohrlich is, dat is disse Dag erst rutkomen. Nämlich dör use brutalstmöglichen Upklarer: de Bild-Zeitung.

De hebben sick de Köpp tweibroken (wenn dor noch wat to breken weer) öber een annern Bunneskanzler, nordem de hütige ehr nich mehr ganz so dör'n Mors Bild söökt Norwuchs!kröppt as fröher. Un dor sün se utrekent op en Bremer verfallen, wo jo jümmers de besten Düütsche Meesters komt ut Bremen!düütschen Meester herkomt: Henning Scherf.

Tovör het he al hoog un hillig versproken, in een, twee Johr endlich sin Hoot to nehmen, nu nimmt he den un schmiet em opnieg in Berlin in'n Ring. He is jo all so üm de 70, nich jüst "Norwuchs", mach een denken. Man dor is he in disse Bunnesregeerung jo nich de eenzige. Schily un Stolpe hebt endlich een, de vun ehre Generation is. Wokeen kunn ok wol beter öber de Rente diskuteern as een, de so wenig kriggt, dat he sick as Minister verköpen mutt?

De Job is nich eenfach, wo doch keen Geld in de Kass is. Ober dat Problem kennt kieneen beter as Scherf, de ok denn noch Millioonen-Projekte in'n Sand sett, wenn he de Millioon gor nich hett.

Henning ScherfWenn een in Bremen (oder "Brem", as Utlänners mennigmol seggt) frogt, woans de Senat denn een orntlichen Huusholt opstellen wull, denn kriggt he wunner wat to höörn öber'n "Kanzlerbreef", wo de Kanzler (Schröder, nich de annere) versproken het, he wull Bremen dat tröggtolen, wat se in de Stüerreform droptolen möt. Wo veel dat is, hett he nich seggt, un so swankt de Betrag je nordem, wekeen du in Bremen frogs un wo veel Bremen jüst brukt.

Nu hett Scherf rutfunnen, wo he Bremen velicht noch saneern kunn. Eenfach nor Berlin gohn, Kanzler wern, denDe Euro mutt rullen! meent Henning Scherfn kunn he sick sülbs Breefe schreven, so veel he lustig is. För Bremen weer dat allemol een Glücksfall, dor warrt Scherf al so'n beten tüdelig, he swadroneert gern vun de grote Nachkriegstied unwet nich jümmers genau, ob he een Reed hooln oder bloos een Grootwort seggen schall. Wenn em een Studie vun een Perfessor nich in'n Krom passt, denn is dat een "Mondschienreknung", de he nich lesen mutt, he weet dat ok so beter.

Dat sün al Maneeren, as wi de vun Kohl in sine letzte Johr wennt sünd. Also weer ok Angie Merkel wedder glücklich, wenn ehr endlich wedder een seggt, wo't lang geiht. Un Bremen brukt sick nich mehr to bemöhn, "Kulturhauptstadt" to warrn. So warrt se nämlich Ruck-Zuck Hauptstadt. Ok ganz ohne Kultur!

Joon

Maat Jan




na baven