Ick heww nich tauseihn — ick bün dorDemobi wäst — ick bün mitgahn
...bi dei Anti-G8-Demo an'n 2. Juni 2007 in Rostock

vun H. Jürgen Grebin


De mehrsten Fotos (all schaten vun H.Jürgen Grebin) köönt Se dör Klick vergröttern. Trüch kaamt Se denn mit den Zurück-Knoop op de Symboolliest vun'n Browser.

De Linke op de Demo. Klick op to'n Vergröttern!

Häuserkampf mal anners. Klick op to'n Vergröttern!Dorbi tau sein, wier mien fast Awsicht, as dei Medien trummelten un sick nich dull genuch öwer dei bösen Hooligans in Zeitungen, in't Fiernseihn un bi anner Gelägenheiten utlaten künnen. Gor schlimme Daach för Rostock un seine Inwahners würden vörutsecht — einzig die Linken bläben ruhig un freuten sick öwer den mächtigen Schwung, dei in dat politische Läben rinkamen ward.
Manch einer in mien Familie harr bäten Angst üm Opa, dei sick in dat Getümmel inreih'n wüll. Öwer watt heww ick liehrt? "Dei Praxis is de Murrer vonne Wohrheit", un tau de Jugend hett hei all ümmer Vertrugen hatt — nur dei Jungschen nah dei Rückwenn', de künn hei noch nich so richtig düden.

Reportersche bi de Arbeit. Klick op to'n Vergröttern!

Bush Terrorist?För dei Zeitung und Fiernseihn intressiert hei sick siehr, doch öwern Wech trugen deit hei er nich. Bannich schimpen däden dei meisten Lüüd öwer dei rutschmäten väl Milljonen. Wer sick so mit einen 12 Milljonen-Tuun und Nato-Draht, 17.000 Staatsdeiners, Panzers, Kriegschipp, Fleigers und Ünnerwarernetz ümgiwwt, mütt bannich väl Schiss vör de Lüüd hemm un ehr nich vertrugen. Vör Johren harrn sei sick lustich öwer dei DDR-Säkerung för Helmut Schmidt in Güstrow maakt, doch disse verrückte Awsicherung von Merkels G8-Gipfel in Düütschland — in Heiligendamm, dicht vör uns Huusdör in Rostock — öwerdrööp doch allns uns bäther Bekannte. Wat künn mit disse öwer 200.000.000 (tweihunnert Milljonen!) €uro allens Hallo Schäuble! Klick op to'n Vergröttern!maakt warrn? Nich uttaudenken! Un allens mütt de Lüüd betahlen, dörch ehr Stüern! Mit den Utdruck "Terror" wür allns verseihn, dormit dei Lüüd ruhig bleiben dauhn. Un sei harrn in dei vergangen Johren dull genuch dit Wuurd ünner dei Minschen bröcht, jedein Gelägenheit nutzt, üm den niegen Weltfiend för dei USA un dormit ganz sülwstverständlich för Europa tau verkloren. Un väle Minschen maakt sich nich väl Gedanken un plappern nah, wat sei hüürn deihn: "Ward schon so sien, wie uns dei mächtigen Weltverbäderer vörbäden. Wat kann ick schon verännern? Nix, sei sünd doch kläuker un mächtiger as wi lütten Börgers inn Landen!"

Bewacher...

...un Bewachte. Klick op to'n Vergröttern!

So künnen nu schon siet männig Johren disse Mächtigen vonne Welt maaken, wat sei för richtich hollen. Allerdings "spucken" ehr siet letzter Tied Minschen, besonners jung Lüüd ut alle Welt, in dei "Supp". Sei laaten sick nich miehr allens gefallen un hollen gegen — mit Demos un annere Aktschonen.

Willkamen? Klick op to'n Vergröttern!Pur geheuchelt röppt ein grotes Werbeplakat in Rostock "Ji sünd willkaamen" in acht Spraken. Dorbi is dei Oberbörgermeister Methling (nich tau verwesseln mit denn linken Landdachsabgeurdneten Methling) vull up dei Linie von dei Verantwurtlichen in Staat un Lann. Von wägen Willkommen, ganz inn Gegendeil, dei Ünnernähmers, Ladenbesitters, Banken und so wieder, sogor die Kleingärtners warrn upraupen, ehr Geschäfte un de Dören tau sichern un aftauschluten, bit allns vörbi is. Begreut man so Besäukers vonne Stadt?

De Grönen bi de Demo. Klick op to'n Vergröttern!

Nee, dei Mächtigen seihn sei gor nich giern un müchten disse Bewägung verhinnern. Deshalw verdüweln sei von Johr tau Johr mit ehr geballte Meinungsmakerie dei Gägenkraft un setten allens in Bewägung, üm ehre "Globalisierungsawsichten" Henwies an de Udels. Klick op to'n Vergröttern!dörchtausetten un dei Kritikers as einen Gefohrenhuupen, as Autonome un gewaltbereite Demonstranten bi dei Minschen in't schlechte Licht tau rücken.

Mi tau öwertüügen, wi disse Demo in Rostock gegen dat G8-Drapen in Hilligendamm loopen deiht — un weil ick sülwst dorvon öwertüügt bün —, dorüm heww ick mi nich blots allens anseihn wullt, nee, ick wüll tau dei Marschierers gehüürn. Die ganze Tied öwer, von dat Schutower Krüüz bit taun Rostocker Stadthaben, wier eine parchtvulle Stimmung ünner dei jungen un ollen Lüüd. Sei wiern all fründlich, rücksichtsvull taueinanner, hülfsberiet, lustig un nich tau letzt friedlich.

Greenpeace bi de Demo. Klick op to'n Vergröttern!

Nederlännische Demonstranten. Klick op to'n Vergröttern!

Demo op Spaansch. Klick op to'n Vergröttern!

Bi de Demo. Klick op to'n Vergröttern!

Bi de Demo. Klick op to'n Vergröttern!

Polizei marscheert op. Klick op to'n Vergröttern!Spaaß hett't maakt, mittaulopen, dei välen Kilometers wüür'n nich lang. Doch mit mal wier allens anders — Staatsdeiners löpen an uns in'n Stadthaben vörbi in ehr dicke Kledaasch un Helms up'n Kopp, die Knüppels inne Hand! Wat wier passiert?, frögen sik all üm mi herüm, Qualm wier tau seihn, mier nich. Denn kümm dei greun Polizeifleiger, maak mächtig Krach — man künn sien eigen Wuurd nich miehr verstahn — un bliew öwer uns in dei Luft stahn.
Genau öwer dei Bühn, wo versöcht wüür, dei Minschen tau beruhigen un tautaurupn, dat allns ohne Gewalt wierergahn süll.Helikopter vun de Polizei
Nu öwer harrn dei Staatgewalt woll erreicht, wat sei giern wullen — dei Stein und dei Krawall sünd von den schwarten Huupen utgahn —, deshalw sünd dei välen Staatdeiners nöödich wäst. Nu heit dat werrer un güng rund üm dei Welt: Füür — Klamotten — Randale in Rostocks Straaten.

Polzeikordon. Klick op to'n Vergröttern!

Demo mit Udels. Klick op to'n Vergröttern!Ick frach mi hinnerher: Worüm hett die Polizei disse Schwarten nich vörher dorran hinnert, na Rostock tau kamen? Stark genuch wiern sei doch, üm sei ruttauhalen. Inn Gegendeil, man bruukte sei, dormit dei hogen Kosten ok vör dei Minschen tau verkloren wiern. Mit mi wiern väle in Gedanken, ob dei Polizei nich Minschenmassen provoziert harr, üm einen Grund för dat Tauhaun tau hebben.

Daach na dat Drapen in Hilligendamm steiht in Zeitungen, dat ein Zivilbeamter bi dei Blockade von Straten von dei Protestlers enttarnt De soschalistische Arbeiderjöögd bi de Demo. Klick op to'n Vergröttern!worden sien süll. So kann man dat ook maaken, üm dei Schuld annern in dei Schauh schuben tau künnen.
Ick bün gegen Gewalt, doch "Wer Wind seiht — ward Sturm bekamen!", so geiht ein Wuurd dörch dei Welt. Ick kann mien Freud öwer dei hüütigen Jungschen nich verleugen, mi sünd sei noch leiwer worrn und ick heww dei Öwertüügung gewunnen, uns Taukunft is in ganz gauden Hänn'n. Disse jungen Lüüd laat sich nich miehr all'ns gefallen, denn sei strieden för ne gerechtere un bäädere Welt, in dei nich miehr nur dei Geldbesitters den Gang bestimmen, sondern dat Volk fracht warr'n will, wo dei Wech lang geiht.

Bi de DemoÖwrigens, mien Familie hett sich beruhigt und freut sick, dat Opa sienen Deil taun Gelingen bidragen hett — un nich nur dei Familie! Wenn jeder sienen Mund upmaakt, kann ein "Minderheit von Mächtigen" nich maaken, wat sei wüllen.

De gaude Murrer Ierd gehüürt
uns allen, dei Schwarten,
dei Gelben,
dei Roden
un dei Witten.



na baven