Dat dörf man wohl noch seggn in Düütschland:
"DekaDent" pleegt komplett!

Vun Jens-Peter Bey


Mit 'n lütt beten Bregensmult kann een wat warrn un brukt nich in de soziale Hängematt to dümpeln! Uns Model hier hett dat vörmakt. Is nich mehr affhängig vun een erbärmlich Salär in'n Bunnsdag. He steiht sienen Mann ok in den rusigen Wind vun uns free'e Wirtschop. Verhökert nu een niege Tähnpasta to'n Vördeelspries, de ok de Hartzers för een Stünn Arbeid tosätzlich kriegen doot. Arbeit för veele, witte Tähn för alle!

As se em för dütt Foto ok noch 'ne Toga öbertrecken wulln, hett he schüttköppt un in sien bescheeden Ort meent, dat he nich öberdrieven will.

"DekaDent" — hier dat Original!


Bildmontage: Ludgerd Lüske. Klick op to'n Vergröttern!

Düsse Tuuv is Oettinger-proof!

De Jingle dorto (vun Marlou):

Nix putzt de Tähn vun't Kapitaal
so witt as DekaDent!
Nix peddt de lütten Lüüd so dal,
wieldess de Banken alltomaal
an alle Ecken brennt!
Nix fritt de Staatskass beter kahl,
maakt Börgertaschen leer un all
so fix as uns' Produkt!
Un wenn ji noch wat sluckt,
denn geevt de Schuld an den Schandaal
de Arbeitslosen! Kennt ji all!
Un wenn ji't noch nich kennt,
denn nu! — Koopt DekaDent!

Juun F.D.P.


4.3.2010


na baven