Coronasong

vun Marlou Lessing

Melodie: Das macht doch nichts, das merkt doch keiner

In China keem en Virus op,
dat weer noch gänzlich nieg.
Wi dachen all: "Maakt mi keen Kopp!
Dat's wat, wat ik nie krieg!
In China, dor eet se so swienig!
Doch nich bi uns, wi kriegt dat nienich!"


Bild Gesa Tams-Koll. Klick op to'n Vergröttern!

Man mit de Tied möök dat de Runn —
woor klaar: wi kriegt dat all!
Ok wenn wi dat verwerflich funn'n —
wi sünd nu mal global!
"Global, dach ik, heet: Da verdien' ich!
Ik dach, so'n Virus, dat kümmt nienich!"

In Düütschland weer dat Virus al,
dor harrn dat bloots en poor,
man denn keem ja de Karneval,
so welig as tovor!
De Spaßbremsen möögt Fierien nich —
dat maakt doch nix, wi kriegt dat nienich!

Nu hebbt wi't Virus an de Back
un kämpft dor gegenan,
dat geiht bloots leider nich zack-zack,
wi sünd nich Supermann!
Warrt't wedder normaal? Unwohrschienlich!
De Hööfdsaak is, wie kriegt dat nienich!


Foto Katja Renfert. Klick op to'n Vergröttern!

— Warrt foortsett! —

Twete Song: hier
Drütte Song: hier
Veerte Song: hier


4.5.2020


na baven