Randale in Frankriek

Keen Regel för de "Gälen Westen" gilt
as bloots: Parolen luud un Gesten wild.
En Neoliberalen is Macron sach,
man is dat en Rechtfardigen för so'n Krach?!
Se seggt: Dat hett keen Sinn mehr, wählen gahn!
Na denn good Nacht! Nu hebbt se gälen Wahn.

Moinmoin, leve plattdüütsche Maten un Frünnen, un en frohen eersten Advent!

Dat dat Wählengahn nix mehr nütt, is ja dat Alarmteken, wenn en Demokratie to en Oligarchie (also en Klüngelherrschap) verkümmt. In Frankriek sünd se apensichtlich nu so wied -- un slaat allens twei. Ik wünsch uns franzöösche Frünnen Vernimm un Moot un endlich ok Düütschland as helpswilligen Partner, ehr Problemen to lösen -- sünst maak ik noch mehr Schüddelriemels op ehr, bet dat beter warrt :-)

Ofschoonst de Advent un de schöne Vörwiehnachtstied vör uns liggt, wüllt wi hüüt noch mal trüchkieken op den Nevelmaand un wat dat dor bi Plattpartu geev. Un toallereerst freit wi uns över twee niege Maten: Klaus-Dieter Tüxen ut Eckernföör hett de Märken vun Sophie Reinheimer (1874 - 1935) in't Plattdüütsche överdragen. Ehr Märken hebbt em dat sünnerlich andaan, seggt he, wieldat se poetisch sünd un heel un deel ahn Gewalt utkaamt. Düsse schönen Märken warrt nu peu à peu op uns Kinnerflack rutkamen. Twee sünd al dor.

De twete niege Maat is Günter Sohnemann, en echte Hamborger Jung. He vertellt in'n Nevelmaand vun twee Hamborger Besünnerheiten: dat histoorsche Paddemang un den akuten Mangel an apentliche WCs -- sogor in de Elphi. He is avers nich bloots Spezialist för Stoffwessel-Endprodukten, sünnern weer ok lange Tied as Schippstimmermann op See. Dorvun will he in en Reeg berichten, de in'n Dezembermaand anfangen schall.

De Nevelmaand hett uns ok wedder de Stillen Daag bröcht, in de wi uns besinnt -- ehrdat de rummelige "Besinnlichkeit" vun'n Advent losgeiht --, an de Minschen denkt, de vun uns gahn sünd, un uns Troost tospreekt. Ewald Eden vertellt in twee bewegen Geschichten vun Eensamkeit un letzte gode Daten. In de Radioandachten wiest Peter Kossen sien unbedingte Liedenschap för den gerechten Freden. Un bi Addi Kahl, as bi mennig Minschen, weckt düsse Afscheedstied dat Fernweh.

Uns Bottervagel düssen regnerisch-kolen Maand is de Füerfalter -- en schöne Kontrast. Dat gifft avers ok wedder Nieges ut den Weltruum: Hebbt ok Se mitfevert, de Internet-Livestreams bi de Nasa un op YouTube verfolgt, as de InSicht-Sonde op'n Mars landen schull? Is ja allens goodgahn, nu geiht de Marsbohrerie los, un Ludgerd Lüske warrt uns mit Infos versorgen, sodraad dat wat Nieges gifft!

Dat Natuur-Notizbook is nu nich mehr vull, Antje Heßler vertellt nocheins vun de Schöönheit vun alldääglich Weeg. Jutta Lammèr kiekt in ehr Blog Oogenblick mol vörut op ganz spezielle Wunschzedels un dat Büdeldilemma vun mennig Fruunsminschen, un Wolfhard Sauerbrey schickt Workaholics in't Watt. Un ok sünst noch so düt un dat. Op uns Süstersiet Numanto.de denkt sik Horst Rehmann de Tallen ut sien Leven weg. Na denn! -- Wenn wi uns wedderleest, is al 2019! Passt Se fein op sik op bet denn!


Nu de Linklist. Op de enkelten Links mööt Se bloots klicken, dat Se henkaamt. Wenn Se den Rundbreef över Plattnet as PDF kriegt, funscheneert de Links avers nich mehr!


Plattdüütsch Künst
:

Ovscheden II. Lyrik to de Stillen Daag vun Ewald Eden    (25.11.)
Seewind, blaas mi in't Seiltüüg! Leed vun Addi Kahl    (10.11.)
Notizen ut'n Oostermaand. Fotos un Verse vun Marlou Lessing    (1.11.)


De Welt un Gott:

Max un Moritz. Vun Heinz Tiekötter    (27.11.)
Töven
. Vun Ewald Eden    (25.11.)
Dat kannst mi glöven: Wat för't Harte daun. Vun Hubert Looschen, mit Spraakopnahm    (25.11.)
Öllern. Vun Ewald Eden    (25.11.)
Dat Grafflicht. Andacht to Ewigkeitssünndag vun Karl-H. Sadewasser    (25.11.)
Dat kannst mi glöven: För'n gerechten Freer aals insetten. Vun Peter Kossen, mit Spraakopnahm    (18.11.)
Dat kannst mi glöven: Kien Freer oahne Vergäben. Vun Peter Kossen, mit Spraakopnahm    (11.11.)
Dat Paddemang. Vun Günter Sohnemann    (11.11.)
Dat kannst mi glöven: Freer is dat Wäsen van Religion. Vun Peter Kossen, mit Spraakopnahm    (4.11.)

In't Erinnern-Notizbook:

    Pläugen dormals un hüüt. Vun Günter Weber    (10.11.)

In't Lütte Gebeedbook:

    Gedenkdaag. Vun Rudi Witzke    (11.11.)
    Beden för de seel'sch Süken. Vun Marlou Lessing    (1.11.)


Natuur un Wetenschap:

Bittersöte Nachtschatten. Vun Anke Nissen    (30.11.)
InSicht staiht up den Marsbodden! Vun Ludgerd Lüske    (27.11.)
Mars-Mission InSicht: Landung steiht bevör! Vun Ludgerd Lüske    (25.11.)
Bottervageljohr 2018: Bottervagel vun'n Nevelmaand: De Lüttje Füerfalter. Vun Thomas Seemann un Marlou Lessing    (4.11.)

In't aktuelle Natuurnotizbook:

    Up mien olen Weg. Vun Antje Heßler    (12.11.)


Wat in de Welt vörgeiht:

In't Hamsterrad. Vun Wolfhard Sauerbrey    (13.11.)
Över en "Öffentliche Inrichtung". Vun Günter Sohnemann    (11.11.)

In Jutta Lammèrs Blog Oogenblick mol:

    Denkzeddel    (24.11.)
    Dummbüdel vör de Bost    (1.11.)

...un 5 niege Indrääg in Marlous plattdüütsch Notizbook.


För Kinner:

Modder Sünn ehr Kinner: De Sünnenstrahl söcht en Fru. Vun Sophie Reinheimer, överdragen vun Klaus-Dieter Tüxen    (24.11.)
Modder Sünn ehr Kinner: De Sünnenstrahl. Vun Sophie Reinheimer, överdragen vun Klaus-Dieter Tüxen    (10.11.)


Niege Spraakopnahmen:

Wat för't Harte daun. Vun Hubert Looschen    (25.11.)
För'n gerechten Freer aals insetten. Vun Peter Kossen    (18.11.)
Kien Freer oahne Vergäben. Vun Peter Kossen    (11.11.)
Freer is dat Wäsen van Religion. Vun Peter Kossen    (4.11.)


Hartlich grööt

Marlou Lessing un dat lütte Plattpartu-Team