Leve plattdüütsche Maten un Frünnen,
nu is dat passeert, merrn in den schönen Sommer: uns Rudi Witzke, een vun uns Plattpartu-Gründermaten vun de eerste Stunn, is op de Grote Reis gahn. An'n 28.7. is he in Lübeck doodbleven. Al en Tied kunn he nich mehr aktiv dorbiween; liekers is dat en Insnitt, en Zäsur för uns, denn sien Charakter, sien Deepde un sien Kunstverstand stünnen jümmers noch in'n Achtergrund. Wi misst em nu al. Twintig Johr lang -- twintig Johr! -- weern wi Frünnen, hebbt tosamen Platt in't Internet bedreven, düsse Websiet in't Leven ropen, gestalt' un beschickt, hebbt dorbi all plattdüütsche Dialekten un soooo vele wunnerbore Minschen un Mitmakers kennen lehrt -- ja, ok Se! -- un ok welk, de sülven al gahn sünd. Dat weer en schöne, kreative, weertvulle un prägen Tied. Veel in Rudis Leven is in düsse Welt nich to Erfüllung kamen, man nu, do sünd wi wiss, erfüllt sik all sien Lengen in de Hannen vun sien Schöpper, op den he siendag vertruut hett.
Sien Maten hebbt em düsse Wöör to'n Afscheed schreven. He sülven harr för düssen Anlaat en egen Bidrag paraatleggt: En Schipp geiht up de Reis.
Trüchkieken wüllt wi avers ok op en köttere Frist, nämli op den verleden Maand. He weer vull un riek an ünnerscheedlich Bidrääg as man een. Is hoge Sommer in all sien Pracht, de Rosen sünd de Plant för'n Maand, ok op dat Kinnerflack kladdert de lüttje Kladderroos, Wolfhard Sauerbrey kiekt eenfach in de Wulken; Heinz Tiekötter weet, dat dorin de wohre Riekdom liggt un de ganze Jachterie nixhaftig is; un dat Natuurnotizbook is vull mit lütte Nettelkönige un Snicken. Wenn de Planten nich so wasst, as wi dat verwacht, is tomehrst en Gendefekt an't Wark, de Pelorie. Ludgerd Lüske verklaart dat an en Fingerhoot. Un he stellt ok de niegen Marsmissioonen vör, de opstunns utswarmt as de Mücken. De Star vun'n Maand avers weer de Komet Neowise. In fiefdusend Johr warrt he villicht wedderkamen. Woans dat denn hier sachs utsüht...? Chaotisch noog is dat ja nu al...
Op jeden Fall luurt de Gefohr vun en twete Corona-Well -- ok wegen de Dösigkeit vun welk Religioonsgemeenschapen. Denn sitt wi schöön in de Padullje un mööt wi wedder Klopapeer horten. Kannst bloots Gesundheit! wünschen -- so deit Fidi Ehlbeck. Överhaupt sünd de Flacken "Mitnanner leven" un "Erinnern" vull Vertellsel un Betrachten. Ok op't Künst-Flack lohnt en Blick, 'neem Ludgerd Lüske en Teknen vun Klee in't Nagestalten analyseert un Adeline Decker sik lyrisch in en Minschen ut de Antike inföhlt.
Kiekt Se sülven, wat Se gefalln deit! Blievt Se sund an Lief un Seel, geneet Se mit Dank allens Gode, wat wi hebbt. Wi leest uns, so höp ik, neegsten Maand wedder.
Nu de Linkliste. Op de Links bruukt Se bloots klicken, dat Se henkaamt.
Ene Wittfro op Sardeis. Vun
Adeline Erika Decker (16.7.)
Wind van vörne un van achtern.
Paul Klee -- Formenwark un Formaot. Van Ludgerd Lüske
(11.7.)
Notizen ut'n
Christmaand. Fotos un Verse vun Marlou Lessing (5.7.)
Horst Wernecke
vertellt: Platt un Franzöösch (27.7.)
Keen is rieker?
Betrachten vun Heinz Tiekötter (27.7.)
Dat Virus is nich döfft.
Nadenken vun Marlou Lessing (26.7.)
Ehrlichkeit.
Riemel vun Fidi Ehlbeck (26.7.)
Annerletzt in de Kark.
Vertellsel vun Günter Schiller (16.7.)
Womit dat Öllerwarrn
anfangt. Vun Günter Schiller (12.7.)
Seemannsgarn:
Landgang, Deel 2. Vun Günter Sohnemann (11.7.)
Corona, Klopapier,
Tante Meier. Erinnern vun Silke Frakstein (7.7.)
Wulken. Vun Wolfhard
Sauerbrey (5.7.)
Navigaschoon. Vun
Heinz Tiekötter (5.7.)
Andachten vun Heinrich Giesen:
9. Juli.
Översett vun Marlou Lessing, mit Spraakopnahm
10. Juli.
Översett vun Marlou Lessing, mit Spraakopnahm
Mars-Missioonen -- drei up einen
Schlag. Vun Ludgerd Lüske (28.7.)
Dei Komet Neowise. Vun
Ludgerd Lüske (26.7.)
Planten in Pagels'
Goorn: Rosen. Vun Thomas Seemann un Marlou Lessing
(16.7.)
Dat Stüern van dei
Blaumen-Symmetrie. Vun Ludgerd Lüske (4.7.)
In't aktuelle Natuurnotizbook:
High Noon op'n Mars.
Vun Marlou Lessing (26.7.)
Proost! Vun
Marlou Lessing (19.7.)
Kuschelsnicken
an'n Hibiskus. Vun Thomas Seemann (9.7.)
Königskinner op'n
Balkon. Vun Katja Renfert (7.7.)
Kometenkieken!
Vun Marlou Lessing (7.7.)
Köönt Snicken
flegen? Vun Marlou Lessing (4.7.)
Keen billigen Jakob! Betrachten
vun Heinz Tiekötter (21.7.)
Schietenhild för nix.
Vertellsel vun Heinz Tiekötter (19.7.)
In't plattdüütsche Notizbook vun Marlou Lessing:
USA, China, Platt
(26.7.)
Frünnen un Helpers
(16.7.)
Lichte Dackschaden
(9.7.)
Wat för'n Symbool II
(5.7.)
Wat för'n Symbool!
(4.7.)
Pony Hopp! Leed vun Hanne
Hinz (21.7.)
Modder Sünn ehr
Kinner: De lüttje Kladderroos. Märken vun Sophie Reinheimer, överdragen vun
Klaus-Dieter Tüxen (12.7.)
Gesundheit! Vun Fidi Ehlbeck (5.7.)
Andacht vun Heinrich
Giesen to'n 9. Juli. Översett un leest vun Marlou Lessing
Andacht vun
Heinrich Giesen to'n 10. Juli. Översett
un leest vun Marlou Lessing
Hartlich grööt
Marlou Lessing un dat lütte Plattpartu-Team