De niegen Stebeln passt nich
Hein mutt
dat harte Ledder wieden
orr ünner’t natte Wedder lieden.
Köfft hett he s‘, wiel se wieder leten.
– Ach, dorvun doot wi Lieder weten!
Moinmoin, leve plattdüütsche Maten un Frünnen!
Nu is en Twölftel vun't Johr al wedder rüm, nich to glöven! Sogor de Februar löppt mi al dör de Fingers as smölten Snee, ik mutt mi ielen mit düssen Rundbreef. Dat tweete (is to höpen, ok dat letzte) Coronajohr hebbt wi mit dempten Optimismus un Gottvertruun anfungen. To de Johrslosung "Weest barmartig!" hett Sabine Stürzer en wunnerschöne Predigt hollen. In unsen niegen Künst-Klenner mit Biller vun Hildegard Tölke begrööt wi dat Johr as en apen Dör, Hildegard Tölke hett ok upklaart, un nu schall dat Johr mal kamen! Deit dat ok. Man de Imptermine nich. Dat drifft sogor uns olen Maat Martin Ripp mal wedder dorto, sien Figuurn Kuddel un Bertha optowecken. Wüllt höpen, dat dat bald anners warrt!
Tominnst kriegt wi en echten Winter, nich ganz so iesige Tieden as vör 100.000 Johr, man inböten muttst orrig, un sülvst de Raven un Kreihn wüllt dat lever tosamen dörstahn. Gifft twoors keen slecht Weder, bloots verkehrte Kledoosch, man en Glöhwien deit dor good -- man nich toveel!
Wi hebbt ok wedder Vertellsels an Bord, sünnerlich an't Hart leggen much ik Se den wohren Bericht över dat Eerdbevern in Valparaiso, den uns Seemann in sien Garn inspunnen hett, un Horst Werneckes Blick achter de Kulissen vun de Tiedlööp. -- Dat Donald Trump to den Schaden nu ok noch den Spiet hett, nimmt nich wunner. -- In de Natuur is jüst nich veel los, man de Vagels sünd in eensento an't Freten. Un Anke Nissen hett ut ehr Vörraad en Sammlung vun toxisch Planten un ehr Beschrieven haalt, vun de wi in lose Folg jümers mal en poor rutbringen warrt.
Leve Maten un Frünnen, wi hööpt nu, dat de Winter, wenn he denn hart is, tominnst Snee un Sünnschien bringt, dat schöönstmööglich Weder; dat wi uns Gedüür bewohrt; un dat wi all fix impt warrn köönt, ehrdat sik Moder Natuur bi ehr Wörpelspeel en Mutaschoon trechtwörpelt, gegen de de Impstuff nich ankann. Ik wünsch Se all en gode Tied, in'n Märzmaand leest wi uns wedder! Denn kiekt de Krokus all ut de Eer, nich vergeten! ;-)
Nu de Linkliste. Op de Links bruukt Se bloots klicken, dat Se henkaamt.
Notizen ut'n Braakmaand.
Fotos un Verse vun Marlou Lessing (12.1.)
Mit Biller dör't Johr:
Januar. Biller vun Hildegard Tölke, Verse vun Marlou
Lessing (5.1.)
Dat Raven-Meeting.
Riemel vun Addi Kahl, Bild vun Peter Schulz (5.1.)
Dat neie Johr.
Översetten vun Ludgerd Lüske (1.1.)
Leve Besöök bi't Buen.
Vun Klaus-Dieter Tüxen (28.1.)
So een mooi Peerd.
Vun Ewald Eden (28.1.)
Seemannsgarn:
Valparaiso un en ole Buddel Wien. Vun Günter Sohnemann
(24.1.)
Horst Wernecke
vertellt: Wat Napoleon mit de holsteensche Peertucht to doon hett
(17.1.)
Iesige Tieden.
Vun Wolfhard Sauerbrey (17.1.)
Kledoosch. Vun Heinz
Tiekötter (17.1.)
Weest
barmhartig! Predigt to de Johrslosung vun Sabine Stürzer
(12.1.)
Reinkeit un Uprümen.
Vun Hildegard Tölke (1.1.)
In't lütte Bauk vun't Nadenken un Beden:
Dree
Könige. Vun Billa Frerich (6.1.)
To't nie Johr. Vun
Hein Klüssendörp (1.1.)
Andachten vun Heinrich Giesen:
Toxisch Planten: Bittersöte Nachtschatten, Alraune. Vun Anke Nissen (31.1.)
In't aktuelle Natuurnotizbook:
Jagdszenen
in Trappenkamp. Vun Marlou Lessing (31.1.)
De Kraunen hebbt Lent
in't Bloot. Vun Marlou Lessing (28.1.)
De gele Schien. Vun Heinz
Tiekötter (24.1.)
Donald Duck -- laohme Aont.
Vun Ludgerd Lüske (12.1.)
Kuddel un Bertha: Bertha ehr
Höpen op den tweeten Schööt. Vun Martin Ripp (7.1.)
Glöhwien. Vun Wolfhard
Sauerbrey (6.1.)
...un twee niege Indrääg in Marlous plattdüütsch Notizbook.
Modder Sünn ehr Kinner: De Schosteen rookt. Märken vun Sophie Reinheimer, överdragen vun Klaus-Dieter Tüxen (24.1.)
Hartlich grööt
Marlou Lessing