Aventurin

Vörstellt vun Anke Nissen


To'n Anhören hier klicken:

Lesen deit Anke Nissen in holsteiner Platt.
Natuur:
Aventurin is en grobkörnig Utbillen vun'n Quarz mit lütte Inslüss vun anner Silikatmineralien oder Hämatit

Chemisch Tosamensetten:

Si O2 (Kieselsäure)


Quarz-Kristall: Dat Blaage sünd de Silizium-Atome. Twüschen alle Atome sünd Winkel vun 120°

Härte:
7 (Diamant hett de Härte 10.)
Vörkamen:
in'n Ural, Sibirien, Vorderindien

Verwandte:

 

Amethyst

Citrin

 

Aventurin

Ut Kieselsäure bestaht vele bekannte Schmucksteen, all de Quarze:

Kristalliseert Utbillen vun de Quarze:

  • Bergkristall (ok mit Rutil-Inslüss)
  • Amethyst
  • Citrin (hell-geel bet güllengeel)
  • Rauchquarz

Fienkörnig Utbillen:

  • Achat un Onyx,
  • Chalcedon (hellblaag),
  • Chrysopras (appelgröön),
  • Heliotrop (lauchgröön mit rode Placken),
  • Jaspis (geelbruun bet rode dichte Aggregate),
  • Karneol (licht geel bet blootroot),
  • Sarder (licht bruun),
  • Plasma (jaspisgrün)

Groffkörnig Utbillen:

  • Aventurin, hett Inslüsse vun Glimmer (dorher oft güllen Schimmer),
  • Falkenoog,
  • Quarz-Kattenoog,
  • Prasem,
  • Rosenquarz,
  • Tigeroog

Amorphe Kieselsäure: Opale


Kortens seet ik mal mit en nette Frau tohoop, de harr en dicke gröne Kugel — en gröön Parl — ut Aventurin an en güllen Keed üm ehren Hals hangen. Dat sehg würklich wunnerschöön ut. De Fru harr en fröhlich Sommerkleed an mit vele bunte Blomen un gröne Bläder. Un dorto disse Aventurin-Kugel! Würklich en Freud för de Ogen.

Aventurin is en ganz besünner Steen. He is gröön, hett oft Glimmerinslüsse, dorüm schimmert he denn wat güllen. He is en Steen, de anspreken deit — as ik dat ja bi de Fru mit dat bunt Sommerkleed sehen heff. Dit is en Steen, de goot deit. He warrt richtig geern as Smucksteen bruukt.


Breef-Apenmaker ut Aventurin, Foto AN


Breef-Apenmaker ut Aventurin, Foto AN

Aventurin
Ruge Aventurin

Siene sanfte Farv maakt ruhig. De Steen kann maken, dat de Minsch so'n beten en "kehr di an nix" vun binnen un ok vun buten kriegen kann, dordörch kann he heiter un gedüllig warrn, de Minsch. He kümmt in't Gliekgewicht.
Dat is de Grund, dat de Aventurin Ruhe un Geduld symboliseert.

Wi hebbt en lütt Metz to'n Breve apen maken, de sien Griff is en Aventurin. Liggt richtig angenehm in de Hand. Bruukt wi elkeen Dag — man so'n Aventurin-Kugel an en güllen Keed...


26.4.2015


na baven