Lisa-Paddseuker warket

van Ludgerd Lüske


Dei Lisa-Paddseuker-Sonde güng an'n 3. Dezember 2015 in den Eerd-Ümmloop, in eine elliptischke Park-Baohn. Dei duunste Punkt leeg bi 200 km, dei wiedste bi 1500 km un was kippet üm 6,5 Graod. Nao dat Utbrennen van dat leßte Raketendeil trennde dei Sonde sick aff un häwde sick seß Maol mit dat eigen Driewdeil van den wiedsten Baohnpunkt aff. Nao twei Wäken was dit Manover fardig. Don was Lisa-P up ehren passen Weg.


ESA-Bild (afännert), klick up tau'n Vergröttern!
Süh Video (englischk)

Einen Maond läöter schmeet Lisa-P ehr verbruuktet Driewdeil aff un dei Sonde was nao seß Wäken up den Ümloop üm den L1 Sünne-Eern-Lagrange-Punkt.


ESA-Bild: Sondenbild, van baoben seihn

Dei Insatzbaohn

Dei Insatzbaohn van Lisa-P is ein 500.000 km maol 800.000 km grooten Ümloop üm L1.


Lagrange-Punkte; in dei Midd dei Sünn, blaag: dei Eern
Wikipedia-Originaolbild

Disse Baohn is ansick ein Ruum aohne Störungen, wiet aff van massive Ruum-Objekte un mit ein gliekblieben Sünnenlecht. Dorbi is dei Affstand tau dei Eern meest gliek, dat is gaut för den Daotentransport. Disse Baohn mutt immer nao 180 Daoge wedder naostellt wern — mit 1,8 m/s up'n Johr — wobi man dei Koldgas-Driewwarke van dat Sonden-Mikro-Andriew-System bruuket.

Wi werd hier berichten, wat dorbi rutsuert!


Südollnborger Platt: Ludgerd Lüske

26.4.2016


na baven