Dat Kruut för'n Dezembermaand: vun Anke Nissen Mistel - Viscum album - Familie: Loranthaceae |
||
Anner Naams:
|
Albranken, Donarbessen (Donarbesen), Donnerbessen (Donnerbesen), Drudenfoot (Drudenfuß), Heil aller Schäden, Hexenbessen (Hexenbesen), Kenster, Kinster, Kunst, Marentacken, Nestel, Nistel, Düvelsklau. | |
Sammelt warrt:
|
Kruut (Herba) | |
Wirken:
|
helpt öllere Lüüd bi Hart- un Kreisloopbeswerden, senkt den Blootdruck |
|
So warrt't anwennt:
|
1-2 Teelöpel mit 1 Taß kolt Water 6-8 Stünnen stahn
laten. |
|
De Mistel is en Schmarotzer-Plant, de up anner Bööm wassen deit, gern ok up Obstbööm. Nach Gottes Walten, As wi all weet, warrn Wiehnachten geern Mistel-Telgen in 'e Stuuv hangt. Man du müßt fix uppassen, dat du nich ünner de Telgen to stahn kümmst, denn elkeen, de dat graad süht, dörv di denn enen Söten updrücken. Mien Oma weer de Meen, dat de Mistel helpen kunn, wenn wi Kinner
nachts slimm dröhmen. Dorüm hett se de Mistel ok Albranken,
Alfranken orrer Marentacken nöömt. Helpen kunn - na Meen
vun mien Grootmudder - aver blots en Mistel, de up enen Eekboom wussen
weer, an'n besten up en Winter-Eek. |
||
All Kinner vun hüüt kennt de Mistel vun "Miraculix" ut "Asterix un Obelix". He is'n Druid un mag nich stöört warrn, wenn he de Mistel - an'n besten vun enen Ekenboom - för sienen Töverdrunk mit en güllen Sichel snieden deit. Plinius vertellt, dat för de olen Druiden - de keltischen Preesters
- de Mistel dat Hilligst, weer, wat se harrn. In de "Edda" warrt vertellt, dat de blinne Wintergott Hödur den "Licht-un Frühlingsgott" Baldur mit enen Piel ut Mistelholt dootschaten hett. Fröher hebbt de Lüüd glöövt, Ok hett man glöövt, dat de Mistel en goot Kruut gegen Hexen
un böös Geistervolk weer. Man hett dorüm Mistel-Telgen
in't Huus bröcht un uphangt - so, as wi dat in de Wiehnachtstiet
hüüt ok noch geern maakt. |
|
|
Dorbi fallt mi wat in: An mienen 70. Geburtsdag kemen all miene Leven na'nanner, mit en
rosa Roos in de Hannen, süngen un wünschen mi Glück.
Vörnweg Thore. Denn keem Lennart, strahl mi an, geev mi de Roos: Der Nächst weer Oscar. He is de Gröttst vun de dree Jungs,
tellt al teihn Johr. Un ik weet nu, wat ik do. Morgen haal ik enen Mistel-Telgen, hang
den över uns' Döör un - Se weten ja Bescheed, ik heff
dat baven al vertellt: |
||