LogoInfraorot-Falschkfarven-Fotograofie

vun Ludgerd Lüske


Dei Infraorotfotograofie (IR-Fotograofie) werd meist nich van Privaotlüe bedräben. Et mag bi den einen of annern Hobbyfotograofen 'ne Rulle spälen. In dei Wätenschup un in dei Kriminaolistik hett dei aover ehre Stäe funnen. Wortau dat dorbi g'nau bruket wern kann, vertell ik läöter. Nu nähm wi us eiers use bekannte Lecht mit dat Farvspektrum vör. Et is blots ein' schmalen Utschnitt van dat elektromagnetiske Spektrum, wat wi süß nich seihn, aover deils marken käönt (t.B. Sünnenbrand dör UV-Lecht, kaoken Water dör Mikrowellen usw.). Dat visuelle (sichtboare) Spektrum kennt jederein van den Rägenbaogen mit dei bekannten Farvenriege, van Violett, Blaw äöver Greun, Gäl nao Rot hen.

Afbild 1: Dat visuelle Lecht is blots ein lüttken Deil van dat heel gröttere elektro-magnetiske Spektrum. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

Afbild 1: Dat visuelle Lecht is blots ein lüttken Deil van dat heel gröttere elektro-magnetiske Spektrum. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

Dat aktinske (naohe) Infraorotlecht verhollt sick noch teemlick so as dat visuelle Lecht. Dei Reaktschioonen mit Fotomateriaol un dat Lechtbräken sünd noch rech ähnlik. Up dei ölleren Anaolog-Speegelreflexkameras is ein roden Punkt bi dei Metertaohlen taun Afstandinstellen. Bi IR-Upnaohmen mutt man dann den Upnaohmeafstand dorup instellen, wiel dat IR-Lichtbräken doch 'n lüttken Tick anners is.

Faoken werd dit IR-Lecht verwesselt mit dei thermaole (warme) IR-Straohlung, dei kann so nich fotograofeert wern. Dat geiht blots mit elektronske Apparaote.

Dör den Bidrag äöver dei Farvfotograofie wät' wi jao äöver den Upbau van Filmateriaol bescheid. Dei Filmlaogen bi IR-Filme sünd deils anners sensibel maoket, so uk för IR-Lecht (süh Afbild 2).

Afbild 2: För jedeinen Filmtyp werd utmäten up wat för Lechtfarven dei einkeln Filmlaogen reageern daut. Bi IR-Filme fallt b'sünners up, dat eine Laoge (Cyan) uk för IR-Lecht sensibel is. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

Afbild 2: För jedeinen Filmtyp werd utmäten up wat för Lechtfarven dei einkeln Filmlaogen reageern daut. Bi IR-Filme fallt b'sünners up, dat eine Laoge (Cyan) uk för IR-Lecht sensibel is. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

So is nu bolde alls taurecht, üm IR-Fotos tau knipsen, wenn dat Blawlecht nich wör. Dat werd goarnich bruket, nee dat stört uk noch wägen dei Reaktschioon mit dei IR-Laoge. Dorümme mutt dei IR-Fotograof noch eine besünnere gäle Filterschieve vör dat Kameraobjektiv setten. Dann kann et losgaohn.

Wem' dann aover den Diafilm entwickelt trügge krigg, giff et wunnerlicke Farven, dei man vördem bi't Knipsen goarnich seihn hett. Dei Saoken seiht nu heel anners ut as'm dat gewennt is (süh IR-Fotos).

IR-Foto 1: So kennt man dei Landschkup mutz nich wer. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

IR-Fotos: So kennt man dei Landschkup mutz nich wer. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

IR-Fotos: So kennt man dei Landschkup mutz nich wer. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

Woran ligg dat, worümme so'n Farvensalaot? Nu, IR-Lecht käönt wi mit use Oogen nich seihn, dor giff dat kiene Farve för. Wat schall dei Film us dann an dei Stäen, wor dat IR-Lecht upkaomen is, anwiesen? Dei Filmexperten is dorbie wat Einfachet infallen. Blaw kann jao nich bruket wern, wät wi all, so werd dei Farven bi dat Entwickeln anners up dei Filmlaogen verdeilt (süh Afbild 3).

Afbild 3: Dat blawe Lecht van dat Objekt werd utfiltert. Dorför hett dei Film eine IR-sensible Laoge. För dei annern Lechtfarven giv et, so as bi'n Farvfilm, dei passen Filmlaoge. IR-Filme sünd meist Diafilme, dei dann direkt mit Positivfarven entwickelt werd. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

Afbild 3: Dat blawe Lecht van dat Objekt werd utfiltert. Dorför hett dei Film eine IR-sensible Laoge. För dei annern Lechtfarven giff et, so as bi'n Farvfilm, dei passen Filmlaoge. IR-Filme sünd meist Diafilme, dei dann direkt mit Positivfarven entwickelt werd. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

Dei Farven werd einfach ümmesettet (süh Afbild 4), so dat dor, wor dat IR-Lecht den Film aktiveert hett, Rot tau seihn is. Dor, wor greunet Lecht warket hett, süht man nu Blaw un wor Rot upkaomen is süht man Greun. Dat Verkloarn van dat Subtraktive Farvmischken steiht all in den Bidrag äöver dei Farvfotograofie.

So, nu is kloar, worümme disse IR-Filme uk Falschkfarvenfilme heiten daut. Et sünd jao uk kiene Farven mehr up ehre normaolen Stäe. Dat is dei Pries dorför, dat man nu IR-Farvbiller bekieken kann.

Afbild 4: Wägen dei utfallen Farve Blaw is up dei bäöverste Fimlaoge nu dei Gelägenheit för dat IR-Sensibiliseern. So käönt dei woahrnaomen Farven, einfach seggt, verschaoben wern. Dat giff dann natüürlik Falschkfarvenbiller. Dei hebbt aover uk ehre eigen, sünnerboare Ästhethik. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

Afbild 4: Wägen dei utfallen Farve Blaw is up dei bäöverste Filmlaoge nu dei Gelägenheit för dat IR-Sensibiliseern. So käönt dei woahrnaomen Farven, einfach seggt, verschaoben wern. Dat giff dann natüürlik Falschkfarvenbiller. Dei hebbt aover uk ehre eigen, sünnerboare Ästhethik. — Se köönt dat Bild dör Klick vergröttern! Trügge kaomt Sei wer mit den "Zurück"-Knoop up dei Symbollieste

In den taukaomen Bidrag van düsse Riege unnerseuket wi, wortau dei IR-Biller bruuket werd.



na baven