Lucht vun wied

Lucht vun wied
Bildmeditaschonen to'n Harvst

Biller vun Horst Rehmann mit Verse vun Marlou Lessing

Leopard 5

dat enn vun allens aarnt sik sülvst,
al mit gedämpftes strahlen,
smitt af, wat sin gesicht verhüllt,
wiest uns sin hart as binnerst bild
un fraagt "wullt du mi malen?"

över strieden un orloog
geiht wiedhen min oog;
min blick, vun binnen bleek besonnt,
glitt rut na'n horizont,
den he bewohrt,
as frünnen sik bewohren.
de horizont is eenzig vun min aart.

ik heff noch nie en stried verlaren.

welkeen kraft bringt mi to'n kippen?
welkeen regen lööst den drüppen
ut de grote wulke tied,
de vun güntsiets op uns süht?
welkeen hand lööst mine bläder?
welkeen stimm seggt: "kaam nich wedder!"?
steeg nich jüst an barg un kamm
jach de blaage linie an?
welkeen grund gifft't, mi to hollen?
ünner mi nich wegtorollen
in en land, 'neem nüms mi kennt?
— blaage linie, de mi trennt...

Biller vun Horst Rehmann kannst köpen. Mail:

Na de Översicht över de Kalennerbläder

16.9.2012